Asier Gallastegi, aholkulari sistemikoa, trebatzailea eta coach-a Korapilatzenen, bere iritzi eman digu azaroaren 15ean, Bilboko Guggenheimen ospatu zen «Lagunkoitasuneko jardunbide egokiak Europan» jardunaldiari buruz. 

1- Zure iritzia jardunaldiari buruz

Niretzat jardunaldia elkartzeko modua izan zen. Egindako ekarpenak bata bestearen osagarriak izan ziren eta mezuak ekintzara jo zuen. Asmatu egin zuten ikuspuntu praktikoa emanez; martxan dauden ekimenak ezagutu, partekatzen ditugun erronkak, nazioarteko eta bertako proposamenak. Agian, faltan bota nuen adineko pertsonen ikuspuntua proiektuetan. 

2- Zure iritzia Euskadi Lagunkoiari buruz

Uste dut hitzak garrantzitsuak direla eta ekimen honek adineko pertsonen artean eremu lagunkoiak sortzean oinarritzen da. Uste dut hau dela gu deituak gaudena. Ezin dugu errealitatea aldatu, esperientzia positiboak dauzkaten eremuak bata bestearekin lotzen ez baditugu. Errealitatea garatu ditzazkegun potentzialitateeak bultzatuz eraikitzen da, hiritarrengadik sortzen diren esperientziak geroz eta indartsuagoak eta zabalagoan eginez. 

3-Euskadirako gomendatuko zenukeen praktika on bat

Jardunaldian edade ezberdinetako pertsonen artean sortzen diren eremuez hitz egin genuen, gailu elektrikoen konponketa egiten direnean adibidez "Repair Cafe" antzekoak, "Ganchillo social" bezalako tailerrak, elkartzeko balio dutenak eta auzoen birsortzea eragiten dutenak hirietako artea kontuan hartuz. Baita, 3Dan eginiko gailuetan, mekartuan aurkitu ezin ditzazkegun tresnak sortzeko balio dutenak. 

  • “Ingurune fisikoak eta sozialak erabakigarriak dira pertsonak osasuntsu, independente eta autonomo egoteko zahartzaroan”

Beatriz Artolazabal Eusko Jaurlaritzako Enpleguko eta Gizarte Politiketako sailburuaren iritziz, “adinekoetara egokitzen diren hiriak eta erkidegoak egitea herritarren zahartzeari erantzuteko tokiko plangintza politiko eraginkorrenetakoa da”.

Artolazabalek, gaur goizean, Eusko Legebiltzarraren osoko bilkuran hitz egin du; bertan, Eusko Jaurlaritzak adinekoak ahalduntzeko eta zahartze aktiboa sustatzeko martxan duen Euskadi Lagunkoia programaren garapena azaldu du.

Azaroaren 15ean, Guggenheim museoko auditorioak ekitaldi berezia ospatu zuen. Europatik etorritako profesionalek euren herrialdeetan aurrera ateratzen ari diren praktika onen berri eman ziguten. Horien artean Euskadi Lagunkoia aurkitzen da, Euskadin geroz eta indar gehiago hartzen ari den ekimena. Zahartze aktiboaren ikur, Euskadiko 50 udalerri atxikita daude dagoneko Eusko Jaurlaritzako Enplegu eta Gizarte Politiketako Saila bultzatzen ari den programa honetara. 

Beatriz Artolazabal Eusko Jaurlaritzako Enpleguko eta Gizarte Politiketako sailburuak ‘Lagunkoitasunari buruzko Europako Jardunbide Egokiak’ jardunaldia inauguratu du, Bilboko Guggenheim Museoko Entzungelan. Bertan nabarmendu du “adinekoei zuzendutako politikak, dagoeneko, beharrizan barik betebehar direla”. Eta “herritarren zahartzeak behar berriak ekarriko dituela, baina baita aukera berriak ere”.

Artolazabalek gogorarazi du “Euskadik munduko gizarte urtetsuenetakoa duela; bertan, bizi-itxaropena, batez beste, 83,4 urtekoa da”. Bizi-itxaropena luzatu egin da azken urteotan, “eta urte gehiago betetzen dituztenen bizi-kalitatea ere hobetu egin da". “Daukagun erronka handia adinekoak ahalik eta bizi-baldintza onenetan bizi ahal izatea da, mendekotasun-egoerarik gabe, ahal den denbora gehien eta behar den erosotasunarekin”, esan du sailburuak.

Horretarako, “euskal erakundeak zahartzen diren pertsonen kolektiboari begira jarri dira, eta gure auzo, udalerri eta hiriak eroso sentitzeko ingurune bilakatzeko mekanismoak sortu dituzte”, esan du Beatriz Artolazabalek. Eusko Jaurlaritzak, 2015-2020 Zahartze Aktiboaren Estrategiaren sustatzaileak, inplikatuta dauden sektore guztiek zahartzerako etorkizun onena eraikitzeko konpromisoa har dezaten bilatzen du, “autonomiaren sustapenean, herritar-talde horren heterogeneotasunaren aitorpenean eta gizarte lagunkoiagoa eta solidarioagoa eraikitzeko eta mantentzeko konpromisoaren eta erantzunkidetasunaren sustapenean oinarritzen den” ikuspegitik.

Esparru horretan, OMEk adinekoei egokitutako inguruneetarako duen Programan oinarrituta, Euskadi Lagunkoia Sustraietatik Sarearen sustatzailea da; bertan, berrogeita hamar euskal udalek baino gehiagok parte hartzen dute. Lagunkoitasunaren programan, adinekoak gure eguneroko bizitzan eragina izango duen ongizatea sortzeko prozesuaren protagonista dira; izan ere, horrela, espazio publikoak, herritarren arteko harremanak eta zaintzen transferentziak modu arrazoizkoagoan berreskuratuko dira.

“Elkarrekin, adinekoetara egokitutako hiri eta erkidegoak eraikitzea herritarren zahartzeari erantzuteko plangintza politiko eraginkorrenetako bat delako ikuspegia partekatzen dugu”, esan du Enpleguko eta Gizarte Politiketako sailburuak. “Guk esperientzia eta anbizioa dugu. Nire ustez, jarraitzen ari garen bidea zuzena da, baina kanpora begira jarraitu behar dugu. Beste leku batzuetan egiten ari dena jakin behar dugu”.

Jardunbide egokiak

Zehazki, gaurko Enpleguko eta Gizarte Politiketako Sailak antolatu duen jardunaldiaren bidez, adinekoekin zerikusia duten Europako eta estatuko esperientziak ezagutu dira, zenbait lekutatik heldu diren profesionalen eskutik, besteak beste, Belgikatik, Erresuma Batutik edo Poloniatik. Hizlarien artean, honako hauek dira nabarmentzekoak: Tine Buffel, Manchesterko Unibertsitateko ikertzailea, zahartzearekin eta urbanizazioarekin lotutako gaietan aditua; Sarah More, nazioarteko proiektuen laguntzailea Erresuma Batuko Alzheimerraren Sozietatean, Dementziaren Lagunak programak garatzen laguntzen die herrialdeei; Sarah Dury, Gizarte Gerontologiako doktorea, Bruselako Unibertsitateko ikerketa-metodologia parte-hartzailean zentratua; Aleksandra Markowska eta Katarzyna Ziemann Gizarte Berrikuntzako Laborategia - Gdynia (Polonia) udalerriko aurrekontu-unitateko zuzendaria eta zuzendariordea; Asier Gallastegi, Eusko Jaurlaritzako aholkulari sistemikoa, prestatzailea eta coacha eta Bherria proiektuaren  sustatzailea; Rocío Cuevas, Associació Salut i Família catalana elkartekoa, Bancs del Temps-en inguruan hitz egingo duena; eta Rosa Jiménez, La Escalera proiektuaren koordinatzailea.

Gainera, Lide Amilibia Gizarte Politiketako sailburuordeak, Emilio Sola Eusko Jaurlaritzako Gizarte Zerbitzuetako zuzendariak eta Elena del Barrio Euskadi Lagunkoia programaren koordinatzaileak topaketan parte hartu dute.

EDIMBURGO: EUSKADI LAGUNKOIA PRAKTIKA ONETAN ERREFERENTE HAUTATUA

BCS Health and Care Scotland-ek urriaren 2tik 5era antolaturiko kongresuan, TITTAN  proiektuak (Network for Technology, Innovation and Translation in Aging, Interreg Europe) bere workshop propioa eduki du proiektuaren parte diren kideekin eta zahartzaro osasuntsuan interesaturik dauden pertsonekin. Euskadi Lagunkoia praktika ona bezala hautatua izan da eta interes handia piztu zuen kongresura hurbildu zirenen artean, besteak beste, bertan azalduriko informazioa oso interesgarria iruditu zitzaien publikoan zeuden profesionalei, baita orain arte publikaturiko materialak ere. 

BERMEO

Bermeok diagnosi fasea bukatu berri du eta honezkero Lagunkoitasun Plana dauka herrian. Helburuak finkatuak dauzkate, baita ekintza plana ere iniziatiba eta proposamen ezberdinekin. 

bermeo

URRETXU

Ikasturte berria hasi du eta iraileko bileran aire librean egingo dituzten ekintzak zehaztu dituzte. 

urretxu

Euskadi Lagunkoia zahartze aktiboaren inguruan NBEak antolatutako Lisboako jardunaldietan egongo zen irailaren 20tik 22ra. 

Bertan UNECEko, NBEko, Europako Batzordeko eta Lanaren Nazioarteko Erakundeko (LNE) 56 estatu kideetako zahartza-arloaren arduradunez gainera, hainbat herrialde eta eskualderen ordezkariek eta askotariko erakundetako gizarte-agenteek hartu zuten parte.

Euskadi Lagunkoia ekimena nazioartean azaltzeko helburuarekin, Matia taldeko kideak izan ziren bertan. 

Orain, UNECEk bertan erakutsi ziren proiektuen posterra zabaldu du, Euskadi Lagunkoia bertan agertzen delarik. 

Posterra ikusi

 

Marian Gerrikabeitiak zuzendutako film hau jende guztiarentzako proiektu bat da, eta galdera honek sortutako jakin-minaren ondorioa da: zerekin egongo dugu topo nagusi garenean?

Isabel Sánchez Robles Gizarte Ekintzako diputatuak eta Leire Aragón BBKren Gizarte Ekintzako zuzendariak «Nora goaz?» dokumentala aurkeztu dute; filma Marian Gerrikabeitia zuzendariak zuzendu du, eta foru erakundearen eta finantza-entitatearen inplikazio aktiboa izan du.

«Nora goaz» adin guztietako jendearentzat da, eta galdera honek sortutako jakin-minaren ondorioa da: zerekin egongo dugu topo nagusi garenean? Gainera, helburu garbi bat du: gizartean gogoeta eta sentsibilizazioa sortzea, ikus dadin zahartzarora heltzen direnean pertsonek oraindik ere badutela funtsezko eginkizun garrantzitsu eta aberasgarri bat.

 

Eusko Jaurlaritzako Enplegu eta Gizarte Politiketako Departamenduak "Europako Jardunbide Egokiak Lagunkoitasunean" jardunaldia antolatu du. Jardunaldi hau azaroaren 15ean gauzatuko da Bilboko Guggengeim Museoko auditorioan. 

Beatriz Artolazabal, Enplegu eta Gizarte Politiketako Sailburuak, 10:00etan irekiko du Jardunaldia. 

Jardunaldiari buruzko informazioa lehen eskutik lortzeko, Lide Amilibia, Gizarte Politiketako Sailburuordearekin jarri gara harremanetan. 

Zein da Jardunaldi honen helburua?

Pixkanaka 65 urtetik gorako geroz eta pertsona gehiago egongo dira. Estatistikek hala diote. INEk emaniko datuen arabera, 2029an 600.000 pertsona baino gehiagok gaindituko dugu 65 urteko atalasea Euskadin, biztanleen ia herenak. Ondorioz, gure gizartean edukiko duen eragina askoz handiagoa izango da. 

Horrek ez du esan nahi datu negatibo baten aurrean gaudenik. Eusko Jaurlaritzatik pertsona helduak gure herriarentzat ezinbestekoak direla azpimarratzen dugu: familia barruan zainketa lanak egiten dituzte eta euren jakinduria eta esperientzia daukagun elkarte sare zabalaren bitartez partekatzen dute.  

Orain dela urte dexentetik, Euskadi eta bertako instituzioak pertsona helduen garrantzia balorean jartzen dugu eta euren espazioa aldarrikatzen, eta bertan Euskadi Lagunkoia sartzen da bete-betean, helburu bezala pertsona helduen eta herritarren parte hartzea sustatzea duena gure herri eta auzoak pertsona helduen beharretara modu egoki batean egokitu daitezen. Jardunaldiak beste leku batzuetako errealitatea eta aurrera daramazkiten praktika onak ezagutzeko aukera emango digu. 

Programan lehen mailako hizlariak agertzen dira... Zer entzun ahal izango dugu?

Lekuen lagunkoitasunaren mugimendua Osasunaren Mundu Erakundeak bultzatu zuen "Age-Friendly Cities and Communities" lemapean eta momentu honetan 400 hiriburu eta komunitate baino gehiagotan eta 37 herrialdetan ari dira lanean ildo honetatik. Leku bakoitzak bere berezitasunak ditu, gizarte errealitate eta behar ezberdinekin. Baina Europari dagokion gure lekuan edadetuen erreboluzioa deritzona bizitzen ari gara, urte gehiago kondizio hobeagotan bizitzeko aukerarekin. 

Ondo zahartzea bizi guztiko lana dela kontuan izanda, pertsonalki eta gizarte mailan errespontsabilitate bat eskatzen du, euskal iinstituzioetatik edadetuen erreboluzioak esan nahi duena kontuan daukagu eta denok batera bide beretik joan dezakegula iruditzen zaigu gizarte lagunkoiago bat osatu eta gure gizartearen zahartzea errazagoa izan dadin lan eginez. 

Jardunaldi honetan, inguruan ditugun herrialdeak aurrera eramaten ari diren ekimenak ezagutuko ditugu, Erresuma Batua, Belgika edo Polonia, besteak beste, eta baita estatu espainolean egiten ari diren zenbait ekintza. 

Oraindik izena eman ez dutenei, ze gomendio emango zenieke?

Euskadi Lagunkoiaren barruan lanean dabiltzanentzat hurrunago begiratzeko aukera emango diegu, eta zeinek daki, ideia berriak lortzeko izan daiteke. Eta oraindik sareraen barruan ez daudenentzat, jardunaldia sarrera paregabea izango da. 

Guretzat, pertsona helduak oso garrantzitsuak dira familia barruan, komunitatean eta iraunkortasunean, bai ekonomikoki, baita sozialki ere. Boluntzariotzaren bitartez, euren bizipenak eta ezagupena transmitituz, euren familiei zainketaren errespontsabilitatean esku bat botaz, edo zuzekin oraintzen den lanaren bitartez, izugarrizko mesedez egiten dute. Eta arrazoi horregati, euren ongizatearen alde egin behar dugu lan. Helburua, pertsona edadetuak etapa hau modu osasuntsu, aktibo, eta ahal den neurrian, modu independiente batean bizitzea da. 

BISITATU ETA IZENA EMAN JARDUNALDIKO WEB ORRIAN

europa jardunalia

  •  “Adin guztietarako gizarte jasangarria – UNECE Ministerial Conference on Ageing” biltzarra Portugalgo hiriburuan da
  • 50 herrialdetik gorako ordezkariak Lisboan bilduko dira gaurtik aurrera, zahartzeari buruz eztabaidatzeko, Nazio Batuen Europarako Batzorde Ekonomikoaren (UNECE) nazioarteko biltzarrean
  • 36 herrialdetako gobernuak, Europako Batzordeko ordezkariak, Lanaren Nazioarteko Erakundekoak, Ekonomia Lankidetza eta Garapenerako Erakundekoak, eta Batasuneko herrialde eta eskualdeetakoak
  • Marianne Thyssen Enplegu eta Gizarte Gaietako Europako komisarioak parte hartuko du bihar, ostirala
  • Topaketaren amaieran, UNECEko herrialdeetako ministro eta ordezkariek Lisboako Deklarazioa sinatuko dute. Deklarazioan, zahartzearen alorrean datozen bost urteetarako orientabideak bilduko dira

Euskadi Lagunkoia Eusko Jaurlaritzako Enplegu eta Gizarte Politiketako Sailak sustatutako ekimena da, eta esperientzia eta adibide positiboetan oinarrituta adinekoen ongizatea hobetzea du helburu. Bada, ekimena gaurtik aurrera azalduko da, ekintza-eredu gisa, zahartzearen inguruan Lisboan den nazioarteko hitzarmen honetan: “Adin guztietarako gizarte jasangarria” —UNECE (Ministerial Conference on Ageing)—.

Eusko Jaurlaritzako Gizarte Politiketako sailburuorde Lide Amilibiak nabarmendu du “UNECEk ereduen bere erakusketarako hautatu izatea adinekoentzako arretaren esparruan EAEko ekimenen xehetasunak azaltzen dituzten kartelak, inprimakiak eta pantaila digitala, pertsonen gizarte berriaren eta Europar Batasunak garatzen duen euskarri sozialaren funtsezko alderditzat”.

Eusko Jaurlaritzak jarraitutako ereduak aintzatetsi egiten ditu adinekoen testigantza eta lana, zahartze aktiboaren beharra nabarmenduta eta jardunak 48 udalerritan sustatuta, hiri-eremuak hobetzeko eta adinekoen presentzia eta protagonismo handiagora egokitzeko. Hala, eredu hori erakusgai izango da Lisboako Biltzarrean, Zahartzeari buruzko Biltzar Ministerialaren barruan. Bertan parte hartuko dute hainbat herrialdetako eta GKE eta ikerketako foroetako ordezkaritzek.

Age-friendly Environments Programme ekimenean oinarritzen da Euskadi Lagunkoia. Ekimen hori Osasunaren Mundu Erakundeak sustatzen du, eta adinekoei eta komunitateei lagundu egiten die euren ahalmen guztia garatzen eta gizartean parte hartzen, euren ingurunea, udalerriak, herriak eta hiriak eraikitzeko, dituzten beharren, nahien eta gaitasunen arabera; eta, aldi berean, laguntzak, babesa eta segurtasuna ematen dizkie, proiektuaren garapenaren lider bihur daitezen.

 “Lagunkoitasun-programan, adinekoak protagonistak dira ongizatea sortzeko prozesuan. Gure eguneroko bizitzaren mesederako izango da prozesu hori; eta horrek eskatzen du eremu publikoen, herritarren arteko harremanen eta zaintzen transferentzien berreskuratze arrazionalagoa; azken batean, udalerrian eguneroko bizitza zertxobait gizatiarragoa eta guztiontzat gogobetegarriagoa egiten duten gauza txiki guzien berreskuratze arrazionalagoa eskatzen du horrek” adierazi du Lide Amilibiak.

 

Sarea

Egun, Euskadi Lagunkoia Sarea hiru lurraldeetako 47 udalerrik osatzen dute. Egun batzuk barru, Arabako Arraia-Maeztuelkartuko da. Errealitate desberdinak bizi dituzten tamaina guztietako herriek eta hiriek apustu egin dute gizarte-partaidetzako prozesuak sortzearen alde; udalerriaren eskumeneko esparru guztietan aldaketak sartzen laguntzearen alde, bertako herritarren bizi-kalitatea hobetzeko asmoz; eguneroko bizitzan adinekoek dakarten ahalmena baliatzearen alde, ongizate-sortzaile diren heinean; eta Euskal Autonomia Erkidegoan lagunkoitasun-ekimenen sare bat sortzearen alde.

Zahartze aktiboa eta belaunaldi-txandaketa dira Europako gizarte-politikaren helburu nagusietakoak. Hilaren 6an, BerlinenBelaunaldi-txandaketari buruzko biltzarra izan zen. Bertan jorratutako gaien artean zeuden ugalkortasuna baldintzatzen duten faktoreak, familiak eratzeko elementuak eta irizpideak, eta belaunaldien arteko aldaketak.

Holandako Haga hiria, halaber, beste biltzar baten agertoki izango da. Adinekoekiko hiri eta eskualde lagunkoiak (WHO Global Network of Age-friendly Cities and Communities) izango da datorren urriaren 2ko biltzarraren gaia.

 

Iaz, Osasunaren Mundu Erakundeak Euskadi Lagunkoiaren Ondareaprograma aintzatetsi zuen 9 jardunbide egokihoberenen artean, edadismoaren (‘agegism’, ingelesez) edo adinaren ondoriozko bazterkeriaren aurkako borrokan.

Ekainean, Geriatriako eta Gerontologiako Espainiako Sozietateak, era berean, programa hori aintzatetsi du ‘Zahartzearen Irudia - SEGG 2017’ sarirako finalistatzat sailkatuta, adinekoen irudi erreala eta ez-estereotipatua sustatzeagatik. Euskadi Lagunkoiak bultzatutako ekimen hori proiektu dokumental batean datza. Bertan, bideo-formatuan biltzen dira adinekoen esperientziak, Euskal Autonomia Erkidegoaren ondare immateriala eta kulturala transmititzeko helburuarekin.

Mariane Thyssen Europako komisarioak herritarren topaketa batean parte hartuko du bihar Lisboan eta hitzaldi bat emango du. 50 herrialdetako ordezkariak bilduko dira gaurtik aurrera Lisboan, zahartzearen inguruan eztabaidatzeko, Nazio Batuen Europarako Batzorde Ekonomikoaren (UNECE) nazioarteko biltzarrean. Bertan izango dira 36 herrialdetako gobernuak, Europako Batzordeko ordezkariak, Lanaren Nazioarteko Erakundekoak, Ekonomia Lankidetza eta Garapenerako Erakundekoak, eta Batasuneko herrialde eta eskualdeetakoak.

José António Vieira da Silva eta Adalberto Campos ministroek emango diote hasiera biltzarrari, Olga AlgayerovaUNECEko idazkari exekutiboarekin batera. Marcelo Rebelo de Sousa Portugalgo lehendakariak gaur, osteguna, hartuko du parte. Txostengileen artean daude Europarako eta Erdialdeko Asiarako LNEko eskualde-zuzendaria, Heinz Koller; ELGEko Enplegu eta Gizarte Gaietako zuzendaria, Stefano Scarpetta; Irlandako Osasun Mentalerako eta Hirugarren Adinerako Estatuko ministroa, Jim Daly; eta Moldaviako Osasuneko titularra, Stela Grigora.

António Guterres NBEko idazkari nagusiak biltzarrean mezu bat helaraziko du bideoz eta, topaketa amaitzean, UNECEko herrialdeetako ministroek eta ordezkariek Lisboako Deklarazioa sinatuko dute. Deklarazioan, zahartzearen alorrean datozen bost urteetarako orientabideak bilduko dira. Zahartzearen inguruko UNECEren biltzarra bost urtean behin egiten da. Ondorioak Nazio Batuetako Gizarte Garapenerako Batzordean aztertuko dira, New Yorken, 2018ko otsailean.

Carmelo González Arrieta Barakaldoko de Róntegui farmaziko titularra da. Gaur arratsaldean Nagusi Ferian antolaturiko establezimendu lagunkoiei buruzko mahai-inguruan parte hartuko du

Zeintzuk dira zure lokalaren ezaugarriak? Zergatik da lagunkoia?

Establezimenduko barrera arkitektonikoak kentzeko obra bukatu berri dugu. Orain, irisgarritasun neurriak betetzen ditugu, jendea arazorik gabe sartu dadin farmazira. Denda aurrean genituen eskailerak kendu ditugu eta gainera, deskantsu/edoskitze gela bat ipini dugu. 

Ze beste faktore edukitzen dituzue kontutan zuen bezeroei begira?

Gure karteleria guztia pertsona helduei zuzendua dago. Letra handiko eta irudi errazeko kartelak ipintzen ditugu edukia erraz ulertzeko. 

Zerk eraman zaitu Nagusi Ferian parte hartzera?

Barakaldon Iguralde izen duen agentzi bat daukagu. Agentzi honek bertako komertzioak eraberritzen, kontzerptu berriak txertatzen eta egungo beharretara egokitzen laguntzen du. Nire establezimendua, obraren ondoren, irisgarritasun eta lagunkoitasunaren adibide garbia da: arrazoi horregatik deitu didate.

Euskadi Lagunkoia” zahartze aktiboaren inguruan NBEak antolatutako Lisboako jardunaldietan egongo da. 

  • Irailaren 20tik 22ra, 56 herrialdetako ordezkarirekin
  • Lide Amilibia, “adinekoak ongizate-prozesu baten protagonista dira, gure eguneroko bizitzaren onerako izango den prozesuarena, eremu publikoen berreskuratze arrazionalagoan, herritarren arteko harremanetan eta zaintzen transferentzietan oinarrituta”
  •  “Gizarte iraunkor bat adin guztientzat”

56 herrialdetako ordezkariak Lisboan bilduko dira datorren irailaren 21ean eta 22an, biztanleriaren zahartzeari buruzko nazioarteko biltzarrean. Nazio Batuen Europarako Batzorde Ekonomikoak (UNECE) antolatu du biltzarra.

UNECEko, NBEko, Europako Batzordeko eta Lanaren Nazioarteko Erakundeko (LNE) 56 estatu kideetako zahartza-arloaren arduradunez gainera, hainbat herrialde eta eskualderen ordezkariek eta askotariko erakundetako gizarte-agenteek hartuko dute parte.

Batzarra Lisboako Biltzarren Zentroan egingo da, eta foroa ireki eta ixteko ekitaldiak hauen esku egongo dira: Olga Algayerova UNECEko idazkari exekutiboa eta José António Vieira da Silva Portugalgo Lan, Solidaritate eta Gizarte Segurantzako ministroa.

Hizlari gisa agertzen dira, besteak beste, Marcelo Rebelo de Sousa Portugalgo presidentea, Marianne Thyssen Enplegu eta Gizarte Gaietako Europako komisarioa eta Heinz Koller Europarako eta Erdialdeko Asiarako LNEko eskualde-zuzendaria. António Guterres NBEko idazkari nagusiak mezu bat helaraziko du biltzarrean zehar.

Topaketaren amaieran, UNECEko herrialdeetako ministro eta ordezkariek Lisboako Deklarazioa sinatuko dute. Deklarazioan, zahartzearen alorrean datozen bost urteetarako orientabideak bilduko dira. Biltzarraren esparruan, irailaren 20an, 150 GKE eta 80 ikertzaile bilduko dituen topaketa egingo da.

 Datorren hilean, azaroaren 15ean, "Lagunkoitasunean Europako Jardunbide Egokiak" jardunaldia ospatuko da Bilboko Guggenheim-en, Eusko Jaurlaritzako Enplegu eta Gizarte Politiketako Sailak antolatua.

Jardunaldi hau Euskadi Lagunkoia ekimenaren barnean antolatu da eta helburu orokorra herritarren eta sektore publiko, pribatu eta sozialaren parte-hartzea sustatzean datza zahartzen diren pertsonen bizitza erraztuko duten inguruneak sortzeko lagunkoitasun mugimendu bat garatu asmoz. Gaur egun herrien sarea euskal lurraldeko 50 herri eta hiriz osatua dago.

Inguruneen lagunkoitasun mugimendua 2005ean hasi zen Osasunaren Mundu Erakundeak bultzatuta “Age-Friendly Cities and Communities” izenarekin. Gaur egun 37 herrialdetako 400 hiri eta komunitatek dihardute helburu honekin lanean.

Jardunaldiak erronka honi erantzuna emateko europa eta estatu mailako jardunbide egokiak ezagutzeko aukera emango du. Helburua esperientzi berritzaile eta sortzaileak elkar trukatzean datza Euskadin lagunkoitasuna garatzeko inspirazio gisa.

IZENA EMAN

WEB ORRIA BISITATU ETA PROGRAMA DESKARGATU

 Egitaraua JardunaldiakBBPP EUS

Garbiñe Sáenz de Buruaga Ispasterreko alkateak eta Lide Amilibia Gizarte Politiketako sailburuordeak, Eusko Jaurlaritzak Lakuan duen egoitzan, Bizkaiko udalerria Euskadi Lagunkoia sareari atxikitzeko hitzarmena sinatu dute; horrela, adinekoen ongizate hobea bermatzen duten neurriak bultzatzen eta sustatzen dira.

Lide Amilibiaren iritzitan, “adinekoak gure eguneroko bizitzan eragina izango duen ongizatea sortzeko prozesuaren protagonista dira; izan ere, horrela, espazio publikoak, herritarren arteko harremanak eta zaintzen transferentziak modu arrazoizkoagoan berreskuratuko dira. Horrela, bizitza errazten duten xehetasunekin eta gauza txikiekin, udalerrian egun bakoitza atseginagoa izango da gizarte guztiarentzat”.

Gaur egun, Sarea –Eusko Jaurlaritzaren Enplegu eta Gizarte Politiketako Sailak sustatzen du– hiru lurraldeetako 47 udalerrik osatzen dute.

ispaster atxikimendua euskadi lagunkoiara 2