“Tokian, Tokikoa”

“Tokian, Tokikoa”. Blanca Gomez d 62 urte ditu eta bere bizitza erdia baino gehiago eman ditu lanbidean. Markinan jaioa, euskal zeramikarekiko jakinmina piztu zitzaion gaztetatik. 1982an Jose Ortiz de Zarate buztinlaria ezagutu zuen, dagoeneko erretiroa hartua zuena. Hark irakatsi zion Blancari ofizioa, onenaren eskutik ikasi zuen eskuekin artea egiten, eta datozen belaunaldiek bere urratsak jarraitzea espero du.

 

Submit to FacebookSubmit to Google PlusSubmit to Twitter
contentmap_plugin
18 Urria 2017

EUSKADI LAGUNKOIA PIL-PILEAN

EDIMBURGO: EUSKADI LAGUNKOIA PRAKTIKA ONETAN ERREFERENTE HAUTATUA

BCS Health and Care Scotland-ek urriaren 2tik 5era antolaturiko kongresuan, TITTAN  proiektuak (Network for Technology, Innovation and Translation in Aging, Interreg Europe) bere workshop propioa eduki du proiektuaren parte diren kideekin eta zahartzaro osasuntsuan interesaturik dauden pertsonekin. Euskadi Lagunkoia praktika ona bezala hautatua izan da eta interes handia piztu zuen kongresura hurbildu zirenen artean, besteak beste, bertan azalduriko informazioa oso interesgarria iruditu zitzaien publikoan zeuden profesionalei, baita orain arte publikaturiko materialak ere. 

BERMEO

Bermeok diagnosi fasea bukatu berri du eta honezkero Lagunkoitasun Plana dauka herrian. Helburuak finkatuak dauzkate, baita ekintza plana ere iniziatiba eta proposamen ezberdinekin. 

bermeo

URRETXU

Ikasturte berria hasi du eta iraileko bileran aire librean egingo dituzten ekintzak zehaztu dituzte. 

urretxu

18 Urria 2017

Andoni Gómez Aldanondo, Idiazabalgo Gizarte Ongizateko Zinegotziari elkarrizketa

Andoni Idiazabalgo Gizarte Ongizateko Zinegotzia da. Urriaren 10ean berriz hasiko den IZALBIRA ekimenaren inguruan elkarrizketa bat egin diogu. 

“Boluntarioak behar ditugu parte hartzen duten pertsonei lagundu eta konpainia egiteko”

Izalbirari aurreko urtean eman zitzaion hasiera…

Horrela da bai, deialdia zabaldu ostean 20 laguneko taldea osatu genuen. Urte honetan zehar, Izalbirako partaideek beraien artean harremanak sendotu eta elkar ezagutzeko aukera zabalagoa eduki dute. 

 

Nondik sortu zen Izalbira?

Osakidetzak aurrera eramandako programa da eta herri bakoitzeko ezaugarriak hartzen ditu kontuan. 

 

Nork osatzen du taldea?

Izalbiran herriko pertsona helduek parte hartzen dute. Ekimen honen bitartez bueltatxo bat eman eta harremanak sendotzeko aukera sortzen da. Urte honi begira, boluntarioen beharra daukagu; beraien laguntza behar dugu bueltatxoa ematen duten pertsonekin konpainia egiteko kontu batzuk esaten dituzten bitartean.

 

Noiz emango zaio hasiera?

Urriak 10ean hasiko da. Asteartea, goizeko 11etan, plazan. Aurreko urtean parte hartu zutenei eta ekimen honetan beraien kolaboratu nahi duten izaldarrei berriz hasteko gonbita luzatzen diegu.

 

Zenbat irauten du ibilaldiak?

Ordubeteko ibilaldia izaten da eta ondoren, Pilarrenean elkartu eta salda beroa hartzeko aukera edukitzen dute.

 

Zeinek eramaten du honen ardura?

Batzorde bat osatu genuen deialdi ireki baten bitartez. Bertan Nagusilan, Probidentziako Ahizpak, Jubilatuak, Caritas eta Udalak parte hartzen dugu. Horrez gain, Pilarrenea Tabernari eskerrak ematen dizkiogu urte honetan eskainitako kolaborazioagatik, parte hartzaile guztientzat salda prestatu duelako urte guztian zehar eta aurten ere horrela jarraituko duelako.

izalbira 2izalbira 3

izalbira 1

 

18 Urria 2017

Arraia-Maeztuk bat egin du Euskadi Lagunkoia adinekoekin lagunkoiak diren udalerrien sarearekin

 

Anartz Gorrotxategi, Arraia-Maeztuko alkateak eta Lide Amilibia Gizarte Politiketako sailburuordeak, Eusko Jaurlaritzak Lakuan duen egoitzan, Arabako udalerria Euskadi Lagunkoia sareari atxikitzeko hitzarmena sinatu dute; horrela, adinekoen ongizate hobea bermatzen duten neurriak bultzatzen eta sustatzen dira.

Lide Amilibiaren iritzitan, “adinekoak gure eguneroko bizitzan eragina izango duen ongizatea sortzeko prozesuaren protagonista dira; izan ere, horrela, espazio publikoak, herritarren arteko harremanak eta zaintzen transferentziak modu arrazoizkoagoan berreskuratuko dira. Horrela, bizitza errazten duten xehetasunekin eta gauza txikiekin, udalerrian egun bakoitza atseginagoa izango da gizarte guztiarentzat”.

(vía irekia)

18 Urria 2017

Bizkaiko Foru Aldundiak eta BBK Fundazioak «Nora goaz?» filma aurkeztu dute; filmaren helburua adinaren hesiak botatzea da

 

Marian Gerrikabeitiak zuzendutako film hau jende guztiarentzako proiektu bat da, eta galdera honek sortutako jakin-minaren ondorioa da: zerekin egongo dugu topo nagusi garenean?

Isabel Sánchez Robles Gizarte Ekintzako diputatuak eta Leire Aragón BBKren Gizarte Ekintzako zuzendariak «Nora goaz?» dokumentala aurkeztu dute; filma Marian Gerrikabeitia zuzendariak zuzendu du, eta foru erakundearen eta finantza-entitatearen inplikazio aktiboa izan du.

«Nora goaz» adin guztietako jendearentzat da, eta galdera honek sortutako jakin-minaren ondorioa da: zerekin egongo dugu topo nagusi garenean? Gainera, helburu garbi bat du: gizartean gogoeta eta sentsibilizazioa sortzea, ikus dadin zahartzarora heltzen direnean pertsonek oraindik ere badutela funtsezko eginkizun garrantzitsu eta aberasgarri bat.