Joan den irailaren 14ean, Gasteizko Europa jauregian, Eusko Jaurlaritzak, Matia Fundazioaren parte-hartzearekin, "Europako Jardunbide Egokiak Lagunkoitasunean: II Jardunaldia” antolatu du.
Bertan parte hartu duten hizlari desberdinen artean Alexander Kalache aipatu behar dugu, lagunkoitasunaren aldeko mugimenduaren ideologo eta abiarazlea OME (Osasunaren Mundu Erakundea) barnean.
Bestalde, jardunaldi horretan "Euskadi Lagunkoia Lagunkoitasunaren Jardunbide Egokien Saria" banatu da, Euskadiko erakunde eta udal desberdinetatik aurkeztu izan diren 28 proiekturen artean. Berauen artean, Abadiño Lagunkoiak aurkeztutakoa zegoen: Pertsona nagusien ahalduntzea, Lagunkoitasuna prozesuaren partaidetzan eragile izanez
Poztasunez iragartzen dizuegu eman diren hiru accesit-etako batekin saritua izan dela proiektu hau. Aitorpen horrek indar berritu egiten gaitu eta ilusioz bete Abadiñon ingurune hobeago baten bila pertsona nagusiok daukagun hitza eta parte-hartzearekin aurrera jarraitzeko.
Laster espero dugu azken bi urte hauetan lantzen ibili garen lagunkoitasunaren diagnostiko txostenaren aurkezpena egitea, ondoren ekintza plana lantzen joango garelarik, berau udalarekin batera finkatu asmoz. Hori izango da proiektu liluragarri honen hurrengo fasea.
