Abadiño Lagunkoiatik programatu genuen bezala, gure herriko adinekook lehenengo ibilbide osasungarria egin dugu, mugikortasun urriko pertsonengan edo ibiltzen ohituta ez daudenengan pentsatuz.
Eta egungo osasun-egoerak sortzen dizkigun zalantzak gorabehera, 22 pertsona, 12 emakume eta 10 gizon, Traña-Matienako kaleetan zehar ibili gara, solasaldi lasaien giro atseginean. Trebeenek ibilbidea luzatu nahi zuten, baina, mundu guztiaren eskura dauden zirkuituak egitea dugula helburu argituta, ekimen polit batean parte hartu izanaren sentsazio atseginarekin amaitu dugu.
Ibilaldia amaitzean, Gizarte Ongizateko zinegotzia etorri zaigu, eta eskerrak eman dizkiogu Udalaren laguntzagatik.
Abadiño Lagunkoia barneko ibilketetarako batzordeak, Zapatila Proiektuak hain zuzen, ekimen horrekin jarraituko du datozen hilabeteetan, eta, aldi berean, gaitasun fisiko gehien duten pertsonentzako ibilbide zorrotzagoak diseinatzen jarraituko du. Ekimen berriak izango dira bultzatzen ari garen herri lagunkoiaren proiektuan.
