Santi Larburu, Euskofederpeneko Presidentea eta Europako Jardunbide Egokien IV. Jardunaldiko epaimahaikidea, eta Inma Sánchez, Elkarteko kideak, “Irakatsi” sarien I. Edizioaren aurkezpena burutu dute, Euskadi gizarte zentroetako praktika onak aditzera ematera zuzenduak.

• Irabazleak 1.500€-ko saria eta diploma eramango ditu eta bigarren eta hirugarren geratzen direnei 500€-ko accesita eta diploma bana emango dizkiegu.
• Proiektuak aurkezteko epea apirilaren 15ean bukatzen da eta emaitza ekainaren 1ean emango dugu aditzera. Ondoren, sari banaketa publikoa burutuko dugu.

EUSKOFEDERPEN eta “IRAKATSI” sarien arrazoia

Euskofederpen erkidego mailako federazioa da, eta hiru lurraldeetako elkarteak biltzen ditu: Gipuzkoako Agijupens, Bizkaiko Nagusiak eta Arabako Las Cuatro Torres. Guztira 230 gizarte-zentro biltzen ditugu Euskadin. Gure lana erakundeekin hitz egitea eta haiekin batera lan egitea da zahartzeari buruzko gai guztiei buruz, bai alderdi aktiboari dagokionez, bai mendekotasunari dagokionez.

Gure ustez, gizarte-zentroak kohesio sozialerako modu garrantzitsu bat dira, elkarrekin bizitzeko, bizipenak trukatzeko eta parte-hartze soziala sustatzeko topaguneak.

Hala ere, pandemiak krisi bat eragin du funtzionamenduan; izan ere, horietako asko itxita edo partzialki irekita egon dira, eta horrek jarduerak eta zerbitzuak etetea eragin du.

Horregatik, urrats bat eman nahi izan dugu parte hartzeko espiritu hori suspertzeko eta horietan egiten den lanari balioa emateko. Euskadiko Gizarte Zentroek, azken urteotan, ekintzak abiarazi dituzte bizikidetzara, bizipenak trukatzera eta elkarri laguntzera bideratuta, eta horien emaitzak ezagutu eta saritu nahi ditugu.

Euskofederpenetik proposatzen dugu erkidego-mailan garatzen ari diren esperientzia horiek ikusaraztea. Horretarako, "IRAKATSI" saria deitu dugu, Euskadiko gizarte-zentro guztientzat, gure elkarteetakoak izan edo ez. Ñabardura hori garrantzitsua da, guztiei irekitako saria izatea nahi baitugu, partekatzetik, irakastetik eta erakustetik ikaskuntza eta hobekuntza sortuko baitira.

Euskofederpen Euskadiko Adinekoen Euskal Federazioak Euskadiko Gizarte Zentroetako jardunbide egokien "Irakatsi" sarien lehen edizioa antolatu du.

ZUZKIDURA ETA DEIALDIA

Proiektu irabazleak 1.500 euro eta diploma bat eskuratuko ditu, eta hurrengo biei 500 euroko bi akzesit eta diploma bana emango zaizkie.

Otsailean eta martxoan informazioa bidali diegu Gizarte Etxeei, baina sari hori komunikabideen bidez ere zabaldu behar dela uste dugu.

DATA GARRANTZITSUAK

Eskabideak aurkezteko epea 2021eko apirilaren 15ean amaituko da, eta ebazpena 2021eko ekainaren 1ean argitaratuko da. Ondoren, sarituekin harremanetan jarri eta blogean argitaratuko dugu.

Fase honekin amaitu ondoren, sari banaketa bat egingo dugu ekitaldi publiko batean, eta behar bezala jakinaraziko dizuegu.

ESKABIDEAK ETA IZAPIDEAK

Eskabideak hiru modutan egin ahal izango dira:

• Bide telematikoz, https://euskofederpen.blogspot.com orrialdean eskuragarri dagoen inskripzio-inprimakia betez. Bertan, Premio Irakatsi a las buenas prácticas en centros sociales de Euskadi izeneko atala dago gaituta.

• Posta elektronikoz, proiektua Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera bidaliz.

• Edo posta arruntez, Euskofederpen helbidera idatziz: Prim kalea 49, 2. ezk.

EPAIMAHAIA

Nabarmendu behar da aurkeztutako proiektuak hautatzeko epaimahai bat eratuko dela eskabideak aztertu eta baloratzeko. Epaimahai hori Euskofederpen, Lurralde Elkarteak eta Gizarte Zentroetako ordezkariek osatuko dute.

Aurkeztutako dokumentazioan oinarrituta, ebazpen-proposamen bat egingo da, balorazioaren aplikazioan oinarrituta. Proposamen horrek deialdiaren helburua hobeto beteko du, eta hautaketa-prozesuaren objektibotasuna bermatuko du.