15 Urria 2014

Bilbao Exhibition Center-ek eta Eusko Jaurlaritzako Enplegu eta Gizarte Politika sailak NAGUSI feriaren 18.ediziora gonbidatzen zaituzte. 

INPRIMATU GONBIDAPENA, sarreran aurkeztu, eta gozatu zahartzaro aktiboa bultzatzen duen ekimen eder honetaz!

09 Urria 2014

Lide Amilibiak, Eusko Jaurlaritzako Gizarte Politiketako Zuzendariak, eta Osasun Publikoko Zuzendari den Miren Dorronsorok "Osasunaren topaguneak" jardunaldian hartu zuten parte, non zahartzaro aktiboaz hitz egin zen. Testuinguru horretan, Lide Amilibiak Euskadi Lagunkoia Sustraietatik ekimena aurkeztu zien bertaratu ziren guztiei, hots, EAE-n zahartzaro aktiboa sustatzeko abian jarri den proiektua.

05 Urria 2014

Goiena hedabide taldeak Adineko Pertsonen Nazioarteko Egunaren baitan Euskadi Lagunkoiak Sustraietatik egitasmoari eman zion lehentasuna bere astekarian. Proiektua aurkeztu ez ezik, Aretxabaletan egiten ari diren lana balioan jarri zuten. Bestetik, ikuspegi instituzionala baliatzeko, Eusko Jaurlaritzako Gizarte Politiketako zuzendari den Lide Amilibia elkarrizketatu zuten. "Nahi ditugu eskaini beste espazio batzuk,euren ekarpena egin dezaten", azpimarratu zuen Amilibiak.

03 Urria 2014

Adineko Pertsonen testuinguruaren baitan, Euskadi Lagunkoia Sustraietatik proiektuaren sustatzaile den Eusko Jaurlaritzaren izenean,Jon Darpón Osasun Sailburuak eta Juan Mari Aburtu Enplegu eta Gizarte Politiketako Sailburuak, adierazpen instituzional bat argitaratu dute Euskadi Lagunkoiaren blog ofizialean. Eusko Jaurlaritzak bat egiten du horrela zahartzaro aktiboaren aldeko nazioarteko egun honekin. Gogora dezagun Euskadi Lagunkoia Sustraietatik nazioarteko hiri eta komunitate lagunkoien sarean sartuta dagoela.

14 Abuztua 2014

GEOFF GREEN, OME-ko Hiri eta Komunitate Lagunkoien Munduko Sarearen Kontseiluko Presidentea

Zer iritzi diozu Euskadi Lagunkoia Sustraietatik egitasmoaz?

OME-k zoriondu nahi du Euskal Gobernua ekimen hau martxan jarri izanagatik. Munduko beste hainbat herri eta hirirekin batera, orain Euskadi adineko pertsonekin lagunkoiak diren komunitateen parte da abian jarri due proiektuari esker.

08 Uztaila 2014

Donostiako Aquariumeko auditorioa txikia geratu zen Euskadi Lagunkoia Sustraietatik ekimenaren aurkezpenak bildu zuen jende kopurua tarteko. 170 bat pertsona agertu ziren ekitaldira, horien artean, erakunde desberdinetako ordezkariak, gizarte eragileak eta Euskadiko puntu ezberdinetatik etorritako norbanakoak. Halaber, nabarmendu behar da hedabide zerrenda luze baten presentzia, ia 20 bat komunikabidek kubritu baitzuen aurkezpen saioa. Horiei esker Euskadi Lagunkoia Sustraietatik proiektuaren gizarteratzea bikaina izan da. Azpimarratu nahi dugu hedabideekin hartu-emana etengabekoa izango dela, xedea baita euskal gizarteari egitasmoren bueltan ematen diren nobedade eta berriak une oro helaraztea.

22 Maiatza 2014

Oriok hartuko du Kilometroak-en datorren edizioa. Gipuzkoako ikastolen festa kostaldeko herri horretan ospatuko da datorren urrian. Aurtengo edizioak, gure ikastoletan euskara sustatzen jarraitu ez ezik, kutsu gizatiarra izango du.

15 Maiatza 2014

Ataria Euskadi Lagunkoia Sustraietatik ekimenaren plataforma operatiboa da, informazio gune eta komunikazio interaktiborako gune izateko sortua.

12 Maiatza 2014

Joan den astelehenean, maiatzak 12, Kilometroak Lagunkoia ekimena aurkeztu zen, ERRIA TXIKOTA! astearen baitan. 2014ko Kilometroak Orion ospatuko da datorren urrian.

12 Maiatza 2014

Euskadi Lagunkoia Sustraietatik ekimenak lagunkoia izatea hartzen du premisatzat. Baina, ¿zer da lagunkoia izatea? Hori azaltzeko bideo bat taxutu dugu, kotzeptua ongi definitzeko, adibide praktiko eta pedagogikoen bitartez.