Saria abenduaren 4an banatuko da, "COVID-19 testuinguruan Lagunkoitasuneko Jardunbide Egokiak Europan IV. Jardunaldian".

Euskadi Lagunkoiara atxikita dauden Araba eta Gipuzkoako udalerriak modu birtualean bildu dira COVID-19ren testuinguruan sortutako ekimenak partekatu, horiei buruz hausnartu eta bakardadearen gaian aurrera egiten jarraitzeko.

EDE Fundazioko Arturo Carracedok eta Barakaldoko Udaleko Adinekoen Ataleko bi gizarte-langilek, Patricia del Hierrok eta Arantza Garciak, Barakaldo lagunkoiaren egoera aztertu dute gurekin. Zalantzarik gabe, zahartze aktiboa eta ekimen lagunkoiak bultzatzen dituen udalerria da.

Amaitzeko, Amaia del Campo Barakaldoko alkateari elkarrizketa egin diogu, programari buruz duen pertzepzioa eta COVID-19ren ondorioz hiribilduak bizi duen egoera ezagutzeko.

 

Christopher Phillipson irakasleak, Manchesterreko Unibertsitateko Soziologia eta Gerontologia Sozialeko adituak, abenduaren 4an, Bilboko Euskalduna Jauregian ospatuko den "Covid-19 Lagunkoitasuneko Europako Jardunbide Egokiak IV. Jardunaldia" inaugurazio hitzaldia eskainiko du.

Elkarrizketa zabal honetan, pandemiarekin eta gizartean eragiten ari den inpaktuarekin lotutako bere azterlanen gakoak ematen dizkigu. Halaber, azken urtean argitaratu dituen hainbat lan aztertuko ditugu, zahartze aktiboan, hiri lagunkoietan eta horien ezarpenean sakontzen jarraitzeko gakoak azalduz.

 

Martxoaren 11n, José Antonio Suso Lezako alkateak eta Lide Amilibia Eusko Jaurlaritzako Gizarte politiketako sailburuordeak udalerria Euskadi Lagunkoia Sarera atxikitzea sinatu zuten. Gaur, 7 hilabeteren ostean, Alkateari elkarrizketa egin diogu ekimenaren bilakaera eta helburuak ezagutzeko.

Amaia Gozategik, Orioko Euskadi Lagunkoia taldeko arduradun eta Mandalara taldeko koordinatzaileak, jaialdiaren helburua, erronkak eta garrantzia azaldu dizkigu, "Heriotzari bizia ematen, heriotzak garrantzia baitu", azaroaren 1etik 7ra bitartean ospatuko dena.

Muskizeko Talde Eragilearekin lana berreskuratu da. Urriaren 19an talde bilera burutu zen diagnosian jasotako ekintzen prozesua zein den ebaluatzeko. Bileran udal batzordeetan ekintzak nola lantzen ari diren komunikatu zen.

Jardunaldia, laugarren edizioan, sendotu egin da, eta Lagunkoitasunaren Jardunbide Egokien proiektuen erreferente eta erakusleiho bihurtu da Europan. Bizitzen ari garen egoera dela eta, jardunaldia aurrez aurre eta online burutuko da.

Azaroaren 1etik 7ra "Dando Vida a la muerte" elkarteak antolatutako jaialdia ospatuko da Estatu mailan. 12 lagunek osatzen dute taldea, eta horietako bi Euskadin daude. Heriotza normalizatzeko eta horri aurre egiten laguntzeko interes handia duten pertsonak dira eta euren ezagutza gizartearekin partekatu nahi dute. 

 

Sailburuak nabarmendu du Eusko Jaurlaritzak zahartze aktiboa eta autonomia pertsonalaren sustapena bultzatuko dituela, bai eta adinekoen parte hartzea ere.

 

Tailerren helburua arduradun politikoak, ikertzaileak eta enpresak biltzea da, zahartzen ari den gizartearen inpaktuak eztabaidatzeko eta osasun publikoan, politiketan, berrikuntzan eta negozioetan jardunbide egokien trukea sustatzeko.

 

Erantzunak urriaren 12a baino lehen bidali behar dira. Proiektu honen helburua da kasuen azterketen "biltegi" bat sortzea, hiriak COVID-19ri arrakastaz nola erantzuten ari diren deskribatzeko, eta hautemateko nola erantzun horiek, epe luzera, hiriek pandemiarekiko duten erresilientzia indartzeaz gain, haien osasuna eta ongizatea ere hobetu dezaketen.

Deskargatu galdetegia