Udalerriko landa-eremuetako adinekoen mugikortasuna erraztea da Auzotaxi programaren oinarri nagusia. Programa Abanto Zierbenako Udalak aktibatuko du laster, 2016ko azarotik Euskadi Lagunkoiari atxikitako udalerriak.

 

Moodle online prestakuntzako plataforma bat da, abian jarri duguna, eta euskadi Lagunkoiaren webgunean dago. Asmoa da hainbat formazio igotzea, udalerriek lagunkoitasunean aurrera egin dezaten.

 

Denok dakigu, behin jaio ostean, gure bizitzako lehen minututik, modu batera edo bestera, gazteago edo helduago, bat-batean edo prozesu motel batean, hil egin behar dugula.

Real Sociedad Fundazioak Walking Football proiektua jarri du abian, Adinberri, Donostia Lagunkoia, Matia, Adinkide, Agujipens (Gipuzkoako jubilatu eta pentsiodunen elkartea), Arrasateko Udala eta Beasaingo Udalaren babesarekin. Proiektuak berrogeita hamabost urtetik gorako pertsonengan bizimodu aktibo eta osasungarria sustatzeko helburua du.

Bideoa ikusi

Aretxabaleta Lagunkoia plataformak Basotxo jubilatuen etxean egin duen bakardadearen inguruko hausnarketa da garatuko den elkarlanaren oinarria, eta, abiapuntu gisa, martxoaren 16an egingo du lehen hitzordua Javier Yanguas gerontologo eta psikologiako doktorearen eskutik.

Amurrioko Udalak eta adinekoen sektore-kontseiluak, Izan Amurrio merkatari txiki eta ertainen elkartearekin lankidetzan, joan den astean eman zuten lehenengo pausoa Establezimendu Lagunkoia programa abian jartzeko. Programa horrek praktikak eskaintzen ditu saltokiei, ostalaritzari eta zerbitzu pertsonalei laguntzeko, adineko bezeroak erakartzeko.

Javier Aramendia, Bihotzetik plataformaren arduraduna da, bizitza, dolua eta galeren prozesuak humanizatzeko eta naturalizatzeko irrikatik jaiotzen den plataforma. Datozen asteetan hainbat hitzaldi eta zineforum antolatuko dituzte, heriotza ardatz hartuta.

Portugaletek Euskadi Lagunkoia sarearekin bat egin zuen 2018ko otsailean. Talde oso aktiboa da, eta hiri lagunkoien filosofia zabaltzen du, ekintza ugari eginez.

Amurrioko Udalak eta adinekoen kontseilu sektorialak, Izan Amurrio merkatari txiki eta ertainen elkartearekin lankidetzan, Establezimendu Lagunkoia programa jarri dute abian. Programa horrek praktikak eskainiko ditu saltokiei, ostalaritzari eta zerbitzu pertsonalei laguntzeko, adineko bezeroak erakartzeko.

Elgoibar Lagunkoia akzio plana jarraitzu, 2021eko udazkenean, bi ekimen garrantzitsu burutu dituzte Elgoibarren. Batetik, ikusgarritasuna gizarteratzeko kontzientziazio-ardatz gisa hartuta, Elgoibarrek piktogramak jarri ditu zebra-bideetan. Bestetik, ‘Zure txakurra, zure ardura’  leloa duten kartelak jarri dituzte herriko berdeguneetan. Azkenik, 2022rako hainbat gai lantzeko ideia dute. Ekimenak ezagutu nahi?

2021ean buruturiko ekimenen eskuorria deskargatu

Aurtengo "Urrezko Guk" intsignia Nagusilan Amurriori emango diote herriko jaietako pregoilaria izango delarik. Nagusilan adinekoen gizarte-boluntariotzako programaren talde bultzatzailea da, eta martxoaren 19an, larunbata, Amurrio Antzokian egingo den gala batean jasoko du saria. Egintza hori garatzeko, erakundeek une horretan hartutako neurriak bete beharko dira.

Zumarragako Gizarte Zerbitzu Komunitarioen “ELKARZAINDUZ” I. Udal Planaren barruan, Zumarragako Udalak, Gizarte Zerbitzu arloaren bitartez, Zumarragako Adinekoen Kontseilua sortzen hasi da.