UPV/EHUko Udako Ikastaroak Euskadi Lagunkoiara atxiki dira ikastaro lagunkoiak bultzatzeko helburuarekin, pertsona helduen parte-hartzea sustatuz ikastaroak euren beharretara egokituz eta pertsona hauen inklusioa lagunduz formakuntzara bideraturiko ekimenetan.

mayores discapacidad

Desgaitasuna dutenen zahartze aktiboa lan-alorrean

Bizkaiko Foru Aldundiak lanean jarraituko du desgaitasunen bat duten pertsonen zahartze aktiboa lan-alorrean ere bultzatzeko. Adimen-desgaitasuna dutenen bizi-itxaropenak gora egin du azken urteetan. Gaur egun Lantegi Batuaken diharduten adimen-desgaitasundunetatik, % 61ek 40 urte baino gehiago dituzte. Gehienetan, pertsona horien lehen zahartze-sintomak 50 urteko adinarekin agertzen dira, baina gerta daiteke gazteagotan direlarik ere narriadura-seinaleak igartzea, eta, horregatik, beharrezkoa izaten da aurretiaz zeharkako neurriak hartzea.

Horren jakitun, 2006az geroztik Lantegi Batuakek zenbait ikerketa egin ditu erakundean diharduten adimen-desgaitasundunen zahartzeaz, eta martxan dauka proiektu bat pertsona horien zahartze aktiboa eta enplegu-egokitzapena errazteko, Bizkaiko Foru Aldundiak 140.000 eurorekin lagundua 2016an. Programa horren bidez, Gizarte Ekintzako Sailak lanean jarraitzeko aukera eman nahi die adimen-desgaitasuna izanik zahartze- edo narriatze-sintoma goiztiarrak agertu zaizkien edo beste arrazoiren bat dela-eta laguntza-behar handiagoak dituzten pertsonei, haiek lan-egoera aktiboan jarraitu nahi baldin badute. Kasu horietan, behar diren baldintzak eta laguntzak ziurtatzen zaizkie beren asmoa bete ahal izan dezaten. Une honetan 800 pertsona eta 40 profesional inguruk hartzen dute parte proiektuan, Lantegi Batuakek dituen zentro okupazionaletako bostetan.

Informazio gehiago

 

azkoitia 25012017

Azkotiako udala, herriko eragile ezberdinekin batera, Azkoitia Lagunkoia proiektua martxan jartzeko lehen urratsak ematen ari dira. Bilera urtarrilaren 25ean eraman zen aurrera Azkoitiako Elkargunean. Udalak esan duenaren arabera "bide onetik" doa egitasmoa. 

santurtzi 24012017

Santurtzin lagunkoitasunaren zigilua eskuratu dute hainbat saltokik. Ekimen honek herriko pertsona helduenen beharretara egokitutako saltokiak bultzatzea du helburu, establezimendu lagunkoiak ugarituz eta kontzientzia sortuz. 

Ez da ordea lehenengo aldia herrian diploma hauek banatzen direla. Aurreko urtean 8 dendek lortu zuten lagunkoitasunaren zigilua, aritulu honetan irakur daitekeen moduan. 

Diploma lortzeko ikastaro zehatz batean parte hartu zuten establezimenduetako arduradunek. Gainera, informazioa jasotzeaz gain, beraien establezimenduetako autoebaluaketa bat burutu zuten, momentuan eskura zituzten errekurtsoak zeintzuk ziren aztertu eta lagunkoitasunaren alde lanean jarraitzeko konpromezua sinatuz.

Bizkaiko Foru Aldundiak laguntza ekonomikoa emango die pertsona helduekiko Hiri adeitsuak programa praktikan jartzen duten udaletxe, mankomunitate eta partzuergoei. Dirulaguntza eskakizuna hilabete honen (iraila) 30 arte egin daiteke.

Euskadi Lagunkoia, Luisianan (Estatu Batuak) ospatu den "GSA Annual Scientific Meeting"ean egon da Establezimendu Lagunkoien oinarria azaltzen duen poster baten bitartez. 

Aurten 3.600 aditu baino gehiagok parte hartu dute arlo akademiko, industrial, gobernutik... etorritakoak, bertan zahartzaroari buruzko informazioa eta zientziak arlo honetan duen garrantziaz jarduteko. 450 saio zientifiko baino gehiago egin ziren, horien artea, sinposioak, hausnarketak eta kartelen aurkezpenak. 

GSA posterra

 

Europako Batzordeak Euskadiri Reference Site guneen kalifikazio maximoa –lau izar– eman dio, berrikuntzan oinarritutako zahartze aktiboari eta osasungarriari osotasunean ekiten lan eredugarria burutu duelako. Euskadi Lagunkoia Euskadik aurkeztu dituen 3 proiektuen barruan sartzen da puntuaziorik altuena lortu duelarik, 4 izar. 

Programaren aurrerapausoa ebaluatzeko eta babesteko Europako Batzordeak burutu duen European Innovation Partnership on Active and Healthy Ageing programa europarraren Reference Site guneak berriro egiaztatu ondoren eman zaio kalifikazio hori.

Datorren azaroaren 23an, V. Belaunaldien Arteko topaketa ospatuko da UPV/EHU Leioako Campusa, Irakasleen Unibertsitate Eskola – Gizarte Hezkuntzan

Adinekoek hedabideetan duten agerpena urria eta, askotan, desegokia da.

Praktika onak eta ingurua kontuan hartzen dituen ekimenak biltzen ditu Pilares Fundazioak, pertsona heldu, ezindu edo desgaitasun bat dutenekiko ekimen eta politikak kontuan hartzen dituena alegia. Euskadi Lagunkoia bertan gehitua izan da Praktika onen inguruan eginiko lanagatik. 

pilares

nagusi1
Gaurtik aurrera, urriak 21, Eusko Jaurlaritza beste urte batez –jada hogei edizio dira– Nagusi Azokan egongo da. Azoka hau adineko pertsonei zuzendutako ekitaldi luzeena eta garrantzitsuena da. Aurkeztuko dituzten programa estrategikoen barruan Euskadi Lagunkoia aurkitzen da.

ordiziaaadendakordiziaadendak

ordiziadendak

Egun hauetan zehar Ordiziako kaleak Euskadi Lagunkoiaren barruan sartzen den "Establezimendu Lagunkoi"ei buruzko bideoaren grabaketaren eszenatoki dira. 

Filmatzeko erabili diren denden artean "Adinarekiko lagunkoiak diren establezimenduak sustatzea", adinekoen beharrak aintzat hartuta betetzen duten establezimenduak aukeratu dira.

Aholku bidezko hezkuntza kanpaina honen bitartez, kostu txikiko edo kosturik gabeko hobekuntzak eginda, enpresei bezero adinekoagoak erakartzen lagundu nahi die.

Adinekoek denda txikietan erosi ohi dute eta leialtasunarekin saritzen dute bezeroari zerbitzu ona ematea. Ordizia kasu honetan Euskadi Lagunkoiaren bultzatzaile paregabea bilakatu da. 

Lerro hauen bitartez, eskerrak eman nahi dizkiegu Ordiziako denda eta jatetxeei "Establezimendu Lagunkoiak" izateko pausoa eman dutelako eta oraindik ez direnei animatu egiten diegu bezeroarentzako arretaren kalitatea handitzeko, ez bakarrik adinekoei dagokienez, baizik eta baita pertsona guztiei dagokienez ere.

 

Bizkaiko Foru Aldundiaren Gizarte Ekintza Sailak adin guztietako pertsonentzat gizarte inklusiboagoa sustatu nahi du; hori helburu izanik, Bizkaiko Adinekoen Kontseiluarekin batera, 28. topaketa antolatu du, izenburu hau duena: Bizkaia adin guztientzako lurraldea.

28. topaketa honek Bizkaia adin guztientzako lurralde bihurtu nahi du, eta, horretarako, zahartze aktibo eta osasungarri baterako baldintza egokiak sortu eta bultzatu nahi ditu. Horretarako, gure lurraldean daborduko abian diren esperientziak izango ditugu, gidariak izango ditugu bideari ekin nahi diotenentzat, eta nazioarteko ikuspegia izango dugu.

Ekitaldia EHUko Bizkaia Aretoan izango da (Abandoibarra etorbidea 3, Bilbo), ostiralean, irailaren 30ean, goizeko 9etan.

Gerogarrenean, informazio gehiago bidaliko dugu Topaketari buruz, eta esteka bidaliko dugu izena emateko.

Eusko Jaurlaritzako Enplegu eta Gizarte Politiketako Sailak GOBERNANTZA +65 ekimena jarri du abian, 65 urtetik gorako herritarren ezagutzei, beharrei eta interesei gizarte eta politika arloetako erabakietan zer leku eman hausnartzeko asmoz.

Bideoa ikusi

65plus