Euskadi Lagunkoiak joan den ekainaren 2an online mintegi batean hartu zuen parte, munduko hirietako eta komunitateetako lagunkoitasuna sustatzeko helburua zuen ekimena. Arrakastatsua izan zen mintegi digitala: guztira, 177 pertsonek hartu zuten parte, horietako %80 estatubatuarrak izan zirelarik. Euskadi Lagunkoia 'Sustraietatik' egitasmoak interes handia piztu zuen partehartzaileen artean, batik bat Ondarean eta Denbora Bankua ekimenek. Interneten bitartez egindako elkartrukea baliagarria izan da hirien eta komunitateen arteko esperientziak partekatzeko. Euskadi Lagunkoiak hildo beretik jarraituko du lanean, halako ekintza globaletan parte hartuz. 

age friendly
Osasunaren Mundu Erakundeak munduan zehar aurrera ateratzen diren ekimen lagunkoien inguruko datu base bat sortu du bere web orrialdean. Bertan, guk sorturiko "Establezimendu lagunkoiak" programari buruzko informazioa aurkitu ahal izango duzue. 

Urriaren 4an International Istanbul Initiative on Ageing ekitaldian izan ginen, Euskadi Lagunkoia proiektua aurkezten, The Best Future Vision of an Age-Friendly Initiative lehiaketan 10 finalisten artean gelditu ondoren.