ormaiztegi 24022017

Ormaiztegiko lantaldea otsailaren 24an elkartu zen, osteguna, "errespetua eta gizarte barneratze" gaia jorratzeko. Horrez gain, herri guztian zehar galdera orrien banaketa nola egingo duten zehaztu zuten. 

antzuola 24022017

Ostegunean, otsailak 23, Antzuolan ibilaldi osasuntsuei eman zieten hasiera. 3 bide ezberdin izango dira, horietako bat pertsona ezinduentzako prestatua.

Irteerak ostegunero izango dira, goizeko 10:15etan. 

irura21022017

Irura lagunkoitasunaren diagnosi zehatzerako eman beharreko pausoak ematen jarraitzen du. 

Otsailaren 21ean egindako bilera herriko parte-hartze prozesuak aztertu dituzte talde eragileko kideek. 

urretxu 16022017

Urretxu Lagunkoiako kideak otsailaren 16an elkartu ziren berri Etxebizitzen arloa herri mailan nola hobetu daitekeen pentsatzeko. 

Urretxuarrek galdeketetan azaldu zutenari jarraiki, hurrengo pausoa herritarren parte hartzea eta enplegua aztertzea izango da. 

Urretxuko Udaletxean egiten ari diren bilerak oso parte hartzaileak izaten ari dira. Hurrengoa martxoaren 16rako deitua dago, osteguna, goizeko 10:30ean. 

araceli zumarraga

Orain dela 2 aste aurreratzen genizuen bezala, Zumarraga herrian bertako ondareari buruzko grabaketekin hasi dituzte. 

Animatu den lehenengoa Araceli izan da, herrian urtetan irakasle izandakoa. Herriko gazte talde bat berarekin elkartu eta grabaketak hasi dituzte ondoren bideo-dokumental bat egiteko asmoz. 

Getxo Lagunkoia Faduranweb

Euskadi Lagunkoia ekimenaren barruan geroz eta herri gehiago aurki ditzazkegu Euskadin zehar, proiektuaren oinarria sendotuz. 

Aurreko ostiralean, otsailak 17, GETXO LAGUNKOIA aurkeztu zen Fadura Kiroldegian, non 160 pertsonek parte hartu zuten. 

Ekitaldiaren aurkezpena Imanol Landa, Getxoko Alkateak; Emilio Sola, Eusko Jaurlaritzako Gizarte Zerbitzuetako Zuzendariak, eta Isabel Sánchez, Bizkaiko Gizarte Ekintza Saileko foru diputatuak egin zuten. 

Getxoko Udaleko komunikazio sailak buruturiko prentsa oharra aurkituko duzue jarraian: 

"160 bat pertsona, tartean pertsona nagusiak, udaleko talde politikoetako zinegotziak, teknikariak eta beste erakunde batzuetako ordezkariak, izan dira gaur goizean Fadura kiroldegian izan den Getxo Lagunkoia proiektuaren aurkezpenean. Imanol Landa Alkateak eskerrak eman dizkie guztioi eta azaldu du Getxo Lagunkoia proiektu bizia dela, epe luzekoa, bukaerarik gabekoa, hiri-ingurune integratzaile eta irisgarria lortu nahi duena, zahartze aktiboa sustatuz. Alkateak gogoratu du Getxok gaur egun 80.000 biztanle inguru dituela, eta horietatik % 31k 60 urte baino gehiago dituztela (14.094 emakume eta 10.413 gizon). “Denbora daramagu ildo horretan lan egiten, gure espazioak, gure zerbitzuak, gure proposamenak diseinatzen ditugunean hain zuzen ere. Nagusien elkarteen lana babesten dugu; oinez egiteko topaketak sustatzen ditugu, hainbat gairi buruzko tailerrak antolatzen ditugu, eta udalerrian eskuragarri dauden baliabideei buruzko liburuxka bat argitaratu dugu”. Alkateak gogoratu du hau lehendabiziko aldiz Legegintzaldiko Planean gauzatzera konprometitu diren 49 gertaera enblematikoen barne dagoela eta gehitu du “gehiago egin nahi dugu, aurrera egiten jarraitu nahi dugu, eta horretarako, prozesu parte-hartzaile bat jarriko dugu gaur martxan, eta ezinbestekoa da bertan parte hartu nahi duzuen pertsona nagusi guztien esperientzia izatea. Zuek osatzen duzuen kapital soziala aprobetxatu nahi dugu, eta gainera, bide honetan hasten direnentzat erreferentzia eta laguntza izan nahi dugu, esperientziak eta lana partekatzen dituzten udalerrien sarea eratzearekin batera, Bizkaia eta Euskadi, adin guztietako jendearentzat lurralde lagunkoia izan dadin”. Azkenik, Alkateak gogoratu du Getxo Lagunkoia hiria eraikitzeko proiektua dela, eta horretarako beharrezkoa dela udalaren zeharkako ikuspegia, hau da, udaleko arlo eta agente ezberdinen parte-hartzea duena”. “Guztioi interesatzen zaigun kontua da, ezin baitugu ahaztu pertsona nagusiekin lagunkoia den hiria biztanle guztientzat hobea den hiria dela”.

Alkate getxotarraren aurretik, Emilio Sola, Eusko Jaurlaritzako Gizarte Zerbitzuetako zuzendariak azaldu du zer den hiri atsegin bat, Getxo Lagunkoia zahartzen ari diren pertsonentzat bizitza errazten duten inguruak sustatzean datzala eta martxan abiatutako hainbat ekimen ere aipatu ditu, esate baterako, legatua, denbora bankua, nire auzoa.... Bestalde, Isabel Sánchez, Gizarte Ekintza Saileko foru diputatuak azaldu du Bizkaian adin guztiontzako hiri lagunkoiak sustatzearen garrantzia, horiek lortzeko guztion partaidetza behar dela, eta Getxo zoriondu du esparru horretan egiten ari den lanagatik."

zaldibia14022017

Zaldibiak herriaren diagnosi lagunkoia burutzeko eman beharreko pausoak ematen ari da. 

Aurreko astean, ekimenarekin konprometitu diren herritar eta eragileak batzartu ziren gizarte zerbitzuen eta osasunaren arloak jorratzeko. 

Datorren hilabetean, martxoan, galdera orriak banatuko zaizkie Zalbidiako biztanleei lagunkoitasun diagnosia eta ondorioak ateratzeko asmoz. 

getxo aurkezpena

Datorren ostiralean, otsailak 17, goizeko 11etan, Getxoko Udalak Getxo Lagunkoia aurkeztuko da Fadura Kiroldegiko ekitaldi aretoan. 

BEASAIN 06022017

Beasain oso herri aktiboa izaten ari da. Euskadi Lagunkoia programara atxiki zenetik, 2015 bukaeran, etengabeko lana eraman du aurrera herriaren lagunkoitasuna bultzatzeko asmoz, bere emaitzak ematen ari dena gainera. 

amurrio 06022017

Arabako Amurrio herriak bere lagunkoitasun prozesuan lanean jarraitzen du eta oraingo honetan etxebizitzen arloa jorratu du astelehenean Kultur Etxean egindako bileran. 

zaldibia 24012017

Zaldibia herri dinamikoa eta mugitua dela erakusten ari da herriaren egoera hausnartzeko egiten ari diren bileretan ikusi daitekeen bezala. 

zumarraga 30012017

Zumarragako herria interes handiko ekimena bultzatzen ari da: herriko gazte talde batek Araceli bisitatu du, Zumarragan urte askoan irakaslea izandako emakumea, bere historia eta ondarea gertutik ezagutzeko.