Martxoaren 15ean, osteguna, Urretxuko herria bisitatu genuen bertako lagunkoitasun maila eta talde eragilea ezagutzeko.

  • Aholkuak eta urratsak eskaintzen dituzte, kostu txikikoak edo doakoak, adin nagusiagokoen irisgarritasuna eta arreta hobetzeko
  • Halaber, gidaren 41.650 liburuxka zabaldu dira, hiru lurraldeetan dauden 833 farmazietan
  • Gida 2015ean argitaratu zen, Alzheimerraren Euskadiko Federazioko elkarteekin lankidetzan
  • Farmazia Lagunkoiei buruzko bideoa ikusi

Noiz batu zineten Euskadi Lagunkoia sarera?

2015eko azaroan batu zen Kanpezuko Udala Euskadi Lagunkoia proiektura. 2016. urtean zehar, bi eztabaida zein lan talde osatu ziren. Lehenengo taldea, aire libreko eremuak eta eraikuntza publikoak ikertzeaz arduratu zen. Bigarrenak berriz, parte-hartzea eta gizarte-ehuna (enplegua, gizarte inklusioa, komunikazio zein informazioa eta gizarte eta osasun zerbitzuak) aztertu zituen. 2017. urte amaieran bestalde, galdetegi lagunkoia banatu zen herriko adineko pertsonan artean. Gutxi gorabehera, 200 bat inkesta banatu ziren. Horrez gain, herriko elkarte, erakunde eta eragileen artean ere banatu zen beraien iritzia biltzeko.

Gaur egun, Matia Fundazioko teknikoak, jasotako informazio guztia aztertzen ari dira eta hori amaitzean, hobekuntzen proposamenez beteriko diagnosi txostena egingo da.

 

Euskadi Lagunkoiaren lan arloetako baten helburua merkataritza guneak eta enpresak gune lagunkoiagoan bilakatzea da.

Euskadiko herri eta hirietan egin nahi diren aldaketen erreferente garbia da Barakaldo. Gaur egun 42 merkataritza gune dira lagunkoitasunaren mugimendura batu direnak. Saltoki horiek, kontsiderazioaz gain, establezimendu lagunkoien zigilua jaso dute.

Banatutako guneen humanizazioan aurrera egiteko zein bezeroa fidelizatzeko modu bikaina da. Establezimendu lagunkoiaren helburua, bezeroa saltokian dagoen bitartean eroso sentitzea da.

Inguraldek (Aldapa 3 A, Barakaldo), martxoaren 22an, 15:00etatik 16:00etara ikastaro bat antolatu du mugimendu honetara batu nahi diren establezimendu eta merkataritza guneek establezimendu lagunkoien inguruan dituzten egonezinak partekatu eta aldi berean, informazioa jasotzeko.

Mugimendu honetara batzen diren merkataritza gune berriek, establezimendu lagunkoien zigilua jasotzeaz gain, Euskadiko saltokien mapan agertuko dira.

Informazio gehiago nahi izanez gero idatzi ondorengo helbidera: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko., edo deitu 944 789 402 telefono zenbakira.

Informazio gehiagorako

Lagunkoitasunaren inguruko beste bilera garrantzitsu bat egin zuten otsailaren 16an. Getxo Lagunkoiak sustatzen duen proiektuak erakutsi duen konpromisu eta dinamismoagatik beste guztientzako erreferentzia bilakatu da. 100 pertsonek hartu zuten parte bileran eta denen artean diagnosian jasotako puntuak hobetzeko 70 proposamen bildu zituzten. Behin hobekuntzak proposatutakoan, akzio plan bat burutu eta lehentasunak ezarri zituzten.

 

Jose María Macías, Santokraz Elkarteko eta Abadiño Lagunkoiako kidea da. Elkarrizketa honetan Abadiñon aurrera eramaten ari diren ekimenen berri eta etorkizunera begira diseinatzen ari direnak azaldu dizkigu beste gai askoren artean. 

Zein helbururekin batu zarete Euskadi Lagunkoia taldera?

Euskadi Lagunkoiak, gure lagunkoitasun proiektua aurrera eramateko orientazio eta sostenguaz gain, gure esperientzia eta bizipenak beste herri batzuekin partekatzeko aukera ematen du.

Zein pauso eman dituzue orain arte?

Proiektuaren inguruko informazio guztia bildu eta antolatu ondoren, Abadiño gure herriko pertsona helduen 2 elkarteak batu ginen proiektuaren nondik-norakoak zabaldu eta horren inguruan ezjakintasuna zuten partaideak sarera batzeko. Horren aurretik Udaletxearekin kontaktuan jarri, proiektua azaldu eta beraien feedbacka positiboa zela ikusi genuen.

Ideia gehiago hedatzeko, beste herrietako adituekin elkartu ginen beraien esperientzia nolakoa izan zen kontatzeko.Bestalde, Aldundiko Pertsona Helduen Kontseiluak babesten duen herri lagunkoien taldearen laguntza ere izan genuen. Bildutako informazio guzti horrekin, hasierako proiektua idatzi eta talde eragilea osatu genuen.

Aurkezpena Ana Leunda alkateak, Eguzki Txoko taldeko jubilatuek eta Matia Institutuko Ainara Tomasenak burutu zuten otsailaren 26an.

Eguzki Txokoko taldekideek Irura herri lagunkoien sarera atxikitzea proposatu zuten eta 2017. urtean udalak proiektua baimendu ondoren, herriko diagnosia egiten hasi ziren.

 

MARTXOAK 8 - EMAKUMEEN NAZIOARTEKO EGUNA

Esther Presa, Amurrio Lagunkoiako taldekideak feminismoak urte hauetan eduki duen garapenaz hitz egin digu, baina berak dioen bezala, oraindik asko dago egiteko. 

 

Zertan egin zenuen lan jubilatu aurretik?

Lehen urteetan modista izan nintzen, ondoren, jatetxe batean zerbitzari modura jardun nuen eta azkenik, etxeko lanetara bideratu nuen nire lana. Nire lehenengo kontratua 15 urterekin sinatu nuen. Honako hau esatea gustuko dut: gauez ikasi eta egunez lan egiten nuen. Horrela egin ohi zen urte gogor haietan.

Azken urte hauetan, emakumearen egoerak aurrera egin duela uste duzu?

Pixkanaka aurreratzen goazen arren, momentu hauetan inboluzio bat jasaten ari garela uste dut. Horren eragile nagusiak gaur egungo gazteak dira, erraz eta momentuan lorturiko gauzak nahi izaten dituzte, eroso eta ondo bizi nahi dute ezer egin gabe. Bi sexuen arteko berdintasuna nahi dut, maila guztietako berdintasuna. Ez ditut zapaltzaile ezta zapalduak nahi eta hori eguneroko lanarekin lortzen da. Ez da lortzen ez bizitza eroso ezta erraz batekin ere.

Euskadi Lagunkoiak emakume langileengan eragin positiboa izan dezakeela uste al duzu?

Egiten diren bileretan nire adineko emakume asko entzun ditut jasaten dituzten bidegabekeriengatik kexatzen baina, kalean aldarrikatu behar denean isilik gelditzen dira. Modu berean, gazte askok aurpegiratzen digute bidegabeko gizarte ankerra jaso dutela oinordetan gugandik. Zorionez Euskadi Lagunkoiako proiektu honek lagunkoitasuna zabaltzen du bileretan batzen garen herritarren artean eta bertan biltzen diren emakumeek inongo arazorik gabe hitz egiten dute. Nire ustez ekimen honek emakume askoren pertsonalitatea aberasten du.

 

Tonomy Shop adineko pertsonen beharrak asetzen dituen produktu marka bat da.

 

MARTXOAK 8 - EMAKUMEEN NAZIOARTEKO EGUNA

Nieves Barandica, “Santurtzi Adeitsua Adinekoekin” taldekideak, bere ikuspuntua eskaini digu gaur egungo emakumearen egoerari buruz. Bere ustez, Euskadi Lagunkoia ekimenak emakume askori laguntzen die euren egunerokotasunean.

 

Zertan egin zenuen lan jubilatu aurretik?

Sestaoko Cueto eskolako lehen hezkuntzako irakaslea izan nintzen. Baina irakasle lanez gain beste hainbat ere burutzen nituen: ilea moztu, txikiak garbitu… Beste garai batzuk ziren. Irakasle-ikasle arte tratua askoz ere gizatiarragoa zen. Oso pozik nago egindako ibilbidearekin. Eskolako lana etxekoarekin bateratzeko ahaleginak egiten nituen.

Azken urte hauetan, emakumearen egoerak aurrera edo atzera egin duela uste duzu?

Aurrera egin duela uste dut. Aurreiritzi eta lotura asko gainditu ditugu. Independentzia ekonomiko handiagoa dugu gaur egun eta batez ere, argi dugu zer nahi dugun. Emakumeok bat egin eta inoiz baino indar gehiago dugu. Etxeko lanak errazteko tresnez baliatu gara. Nik uste dut, guk eman ditugun aurrera pausuak eman ez dituzten emakumeei laguntzea dela momentu honetako gure lana.

Euskadi Lagunkoiak emakume langileengan eragin positiboa izan dezakeela uste al duzu?

Noski ahal duela. Denbora dugunok, behar handienak dituztenei laguntzen ari gara: parte-hartzen, ideiak emanez, behar duten kemena emanez. Laguntza guztia eskertzen da!

 

Age Friendly London (AFL) sarea akzio plan inplementatzen ari da hiriko gune desberdinak lagunkoian bihurtzeko. Sare honek, adineko pertsonentzat auzoetan dauden aukerak handitu nahi ditu.

 

MARTXOAK 8 - EMAKUMEEN NAZIOARTEKO EGUNA

Marimi Ugalde, Irurako Alkate ohiak eta egungo Irura Lagunkoiako taldekideak elkarrizketa eskaini digu bere ustez emakumearen gaur egungo egoera zein den eta azken urte hauetan egon den aldaketa azaltzeko. 

 

Zertan egin zenuen lan jubilatu aurretik?

Magisteritzako gradua egin ostean hezkuntza arloan lan egin nuen. Lehenengo urteak Irurako eskola nazionalean egin nituen eta ondoren, Andoaingo Ikastolara joan nintzen. Irurako alkatea izan nintzen 1995 eta 2011 artean.

Azken urte hauetan, emakumearen egoerak aurrera egin duela uste duzu?

Aldaketak nahi baino motelago gertatzen badira ere, argi dago, berdintasunera heltzeko bide ona daramagula. Baina, aldi berean, oraindik ere asko falta zaigula uste dut. Soldata eta etxeko lanen berdintasuna dira koska nagusienak.

Euskadi Lagunkoiak emakume langileengan eragin positiboa izan dezakeela uste al duzu?

Bai noski. Horretarako, herri guztiak hartu beharko luke parte ekimen honetan eta ez helduek bakarrik. Gai honen inguruan egiten diren bilera askotan emakumeak barrua husteko erabiltzen dute. Hitz eginez ulertzen gara. Argi dago denok parte hartu behar dugula etxeko lanetan.

2018ko otsailaren 12an gauzatu zen atxikimendua.
OME eta Eusko Jaurlaritzako Enplegu eta Gizarte politika Sailak sustatzen duten proiektuak 53 udalerri batu ditu jada.