Abadiño Lagunkoia proiektuan foku-taldeak egiten ari diren diagnostiko lanek aurrera dihardute. Joan den azaroaren 29an 3.bilera ospatu zen, oraingo honetan Matienako Errota Kultur Etxean.

Eta han elkartu ginen berriz ere, eguraldi zakarrari aurre eginez, berrogei pertsonatik gora, ohiko lau lan-mahaiak osatuz. Bertan, talde desberdinak garraioaz eta etxebizitzaz hitz egiten jarraitu genuen, horiek dira eta momentu honetan jorratzen ari garen arloak.

Gero etorriko da azterketa hauen ondorioak ateratzeko eta batera-jartzeko unea. Momentuz, mahai desberdinetako dinamizatzaileek iritzi guztiak jasotzen dituzte, eta horretan diharduten Marakako -prozesuan laguntzen digun enpresa- teknikariek lan bikaina egiten ari direla esan behar.

Saio hauetan, azpimarragarria iruditzen zaigu ikusten ari garen elkarrizketa giro atsegina, iritziak askatasun osoz jartzen direlarik mahai gainean, guztion irizpideak errespetu osoz kontuan hartuz. Eta honela, apurka-apurka gure herriaren irudi osoago bat edukitzen ari gara, denon ekarpenak entzunez.   

Bestalde, oraingo honetan Garaiko pertsona bi ere gurekin izan ditugula nabarmendu behar, ikusle gisa. Aurretik, herri horretako nagusiekin batzar bat izan genuen “Hiri Lagunkoiak” proiektuari buruz hitz egiteko, eta berau Abadiñon nola ari garen garatzen azaltzeko. Datorren urtean Garai ere proiektuan murgildurik egotea espero dugu. Momentuz bileran gustura eta eroso egon zirela eta, datorrenera ere etorriko direla agindu digute, berau datorren Abenduaren 13an ospatuko dugularik, Abadiñoko San Trokaz Nagusien Elkartearen aretoetan.     

 

Beste batzuren artean, hurrengo helburu gisa, Abadiño Lagunkoiaren Talde Motorrak zera planteatzen du, Abadiñoko auzo desberdinetan beste bilera berezi bi egitea, ohikoetan parte hartzeko zailtasunak dituzten pertsonekin. Lehenengoa Mendiolan izango da, auzoko lehengo eskoletan, Abenduaren 20an, 17:00etan. Honez gain, Marakako teknikariak dagoeneko Nagusilan proiektuan parte hartzen duten 80 urtetik gorako pertsona batzuk ere elkarrizketatu dituzte. Abadiño Lagunkoia proiektuak aurrera dihardu, abiadura onean, 2017rako aurreikusten  genituen helburuak betez eta datorren urtean ere aurrera jarraitzeko gogoz.

Iruzkina
Ez zaude baimendua iruzkinak idazteko. ¡ ERREGISTRATU !
captcha 

Pegatina

Euskadi Lagunkoiak plataforma berri bat izango du talde eragileen arteko komunikazioa sustatzeko

 

  • Antzuola, Eibar eta Abadiño Lagunkoiako kideak izango dira lehen frogak egingo dituztenak.
  • Plataforma Euskadi Lagunkoia osatzen duten herrien arteko komunikazioa indartuko du.

Euskadi Lagunkoiak ‘Etxebizitza lagunkoierako gida’ argitaratu du eta, hartan, bizitzan zehar egon daitezkeen beharretara egokitzeko aholkuak jaso dira

 

  • Etxe prestatua funtsezkoa da hartan bizi direnen segurtasunerako eta ongizaterako, eta autonomia-kota handiagoetarako aukera ematen du
  • Gidan, egonaldi bakoitza eratzen duten elementuei buruzko aholku eta gomendioak jaso ditu; horietako askok ez du kostu erantsirik

Partekatu gurekin zure herriaren lagunkoitasunaren inguruan dituzun iritziak eta esperientziak, galde-sorta honen bidez.

¡¡¡ANIMA ZAITEZ!!!