Abadiñoko auzo desberdinetan egin ditugun bilerekin jarraituz, pasa den 12an Urkiolan izan ginen, deialdira etorri ziren bertako eta Amaitermineko pertsona nagusiekin elkarrizketatuz. 

Bertan, Abadiño Lagunkoia proiektuaren hastapenak eta ildo nagusiak aztertu genituen  lehenbizi. Fase honetan dugun helburua ere argi gelditu zen, hau da, gure herriaren lagunkoitasunari buruz pertsona nagusiek duten ikuspuntua ezagutu, diagnostiko fase hau bukatu ondoren udalak ere onartu behar duen eta denon artean aurrera eraman behar dugun ekintza plana burutzeko, bila gabiltzan herri lagunkoiagoa lortu asmoz.

Beraien aldetik hainbat irizpide eta ikuspuntu jaso genituen Urkiola auzoaren ezaugarri bereziei buruz. Zerbait azpimarratzekotan, argi eta garbi honako hau: Urrun, oso urrun udal zerbitzu guztietatik eta oso-oso baldintzatua duen ezaugarri turistikoa dela eta. Guzti horrek, Abadiñoko beste auzoekin konparatuz, Urkiolak erralitate guztiz desberdin bat duela ondorioztatzen digu. 

Beraien iradokizunak eta proposamenak gehituko ditugu gure diagnostiko txostenean eta harremanetan jarraituko dugu auzokide hauekin ere, proiektuaren garapenean kontuan izanik. Hasteko, proiektuaren WhatsApp taldean sartu dira, Abadiño Lagunkoia proiektuaren ibilbideaz informaturik egoteko.

Bilera emankorra eta onuragarria izan dela uste dugu, epe laburrean egin gura dugun diagnostiko txostenaren aurkezpen aurretik egingo dugun azkena izanik.  

 

Iruzkina
Ez zaude baimendua iruzkinak idazteko. ¡ ERREGISTRATU !
captcha 

Pegatina

Euskadi Lagunkoiaren kanal berria Youtube plataforman

Bideo guztiak eskuragarri daude plataforman

Euskadi Lagunkoiak kontu berria ireki du Youtube bideo plataforman atxikita dauden herrietako pertsonek egiten dituzten ekimenei bisibilitate handiagoa emateko asmoz. 

Abadiño Lagunkoiak ekitaldi bat antolatu du orain arteko lan guztiari amaiera emateko


Maiatzaren 30ean, Abadiño Lagunkoia proiektuan Diseinu Taldeek bilera berri bat ospatu zuten. Bertan, lagunkoitasunaren diagnostikoan bildutako proposamenak aurrera eramateko beharrezko jotzen dituzten akzioak definitu zituzten. Hau da, erakundeei proposatuko zaizkien bete-beharrak ekintza-plana osatzeko. Uda ondoren berriro ekingo diote orain arteko jarduerari, ekintza horiek nola gauzatuko diren egiaztatzeko adierazleak bilatuz.

Partekatu gurekin zure herriaren lagunkoitasunaren inguruan dituzun iritziak eta esperientziak, galde-sorta honen bidez.

¡¡¡ANIMA ZAITEZ!!!