Jardunaldi hau joan den urriaren 26an ospatu da Mar de Vigo Biltzar-Jauregiko Auditoriumean, Pertsona Nagusiekiko Hiri eta Erkidego Lagunkoien Sarean parte hartzeak dituen onurak ezagutzera eman asmoz. Bertan azaldu diren esperientzia zehatzen artean Abadiño Lagunkoiarena izan da bat.

Hain zuzen ere, Abadiño Lagunkoiaren izenean, mundu mailako proiektu honen 1. Fasearen inguruan, hau da, diagnostikoa eta ondorengo Ekintza Planaren inguruan ospatu den Mahai-Inguruan parte hartu dugu. Mahai-ingurua Imsersoko Idazkari Nagusia den Maite Pozo-k  zuzendu du eta bertan Manresa-ko udaleko Enric Roca eta Ceapat-Imsersoko Carlos Rodriguez Mahou  ere partaide izan dira gurekin batera. 

Gure mintzaldian Abadiñon jarraitu dugun prozesua azaldu dugu, interesa sortu zenetik gaur egun arte emandako pausoak argituz, bertan pertsona nagusiok izan eta jokatu dugun paper garrantzitsua azpimarratuz. Udaletik izan dugun laguntza ere nabarmendu dugu, eta baita Maraka-ren, diagnostiko fasean lagundu digun enpresaren, lan ona ere. Proiektu honek pertsona nagusiek gizartean izan behar duten esku-hartzea areagotzeko duen balioaz ohartarazi nahi izan dugu entzulegoa, eta ondorioz honek gure udaleko gizarte politiketan duen ekarpenaz, foku-taldeetan izandako bilerek besteekiko errespetua eta hurbiltasuna lantzeko eman dizkiguten aukerak ahaztu gabe.   

 

Eta gure solasaldia amaitzeko, orain datorkigun etapa berrian ere, hau da, Ekintza Plana egituratzerakoan ere, oinarrizko protagonista izaten jarraitzeko dugun asmo garbia azaldu dugu.  

Iruzkina
Ez zaude baimendua iruzkinak idazteko. ¡ ERREGISTRATU !
captcha 

Pegatina

ITHACA kontsortzioak Euskadi Lagunkoia gogoko du

 

  • Irailaren 12an Ljubljanan (Eslovenia) ospatu zen topaketa oso positibotzat jo dute kideek. 
  • Mota honetako ekimenek ateak irekitzen dizkiete aurrera begirako elkarlanei. 

Euskadi Lagunkoiak ‘Etxebizitza lagunkoierako gida’ aurkeztu du eta, hartan, dementzia duten pertsonen beharretara egokitzeko aholkuak jaso dira

 

• Etxeko gela bakoitza eratzen duten elementuei buruzko aholku eta gomendioak
• Proposamenak eskaintzen ditu dementziaren garapenean egon daitezkeen arazoen aurrean esku hartzeko.
• Artolazabal: “Afektua, berotasuna eta umorea, pazientzia eta enpatia; ohiko bizi-estiloarekin jarraitzeko etxebizitzan aldaketa errazak eta ekonomikoak egiteak ezagumenaren galera atzeratzeko eta zaintza-eginkizunak errazteko aukera ematen dute”
• Díaz-Veiga: “Etxeak garrantzi handia du norberarentzat, bizitzan zehar, eta, hartan, gustura bizitzen jarraitu behar da eta errealitate berri horretara egokitu”.

Partekatu gurekin zure herriaren lagunkoitasunaren inguruan dituzun iritziak eta esperientziak, galde-sorta honen bidez.

¡¡¡ANIMA ZAITEZ!!!