Maiatzaren 30ean, Abadiño Lagunkoia proiektuan Diseinu Taldeek bilera berri bat ospatu dute. Bertan, lagunkoitasunaren diagnostikoan bildutako proposamenak aurrera eramateko beharrezko jotzen ditugun akzioak definitu ditugu. Hau da, erakundeei proposatuko zaizkien bete-beharrak ekintza-plana osatzeko. Uda ondoren berriro ekingo diogu jarduerari, ekintza horiek nola gauzatuko diren egiaztatzeko adierazleak bilatuz.
Baina horren aurretik, ekainaren 14an, 18: 00etan Errota Kultur Etxean, ikasturte amaierako ekitaldi bat egingo dugu. Bertan, joan den irailetik aurrera burututako jardueren laburpena aurkeztuko dugu. Ekitaldi hori Karama 4tet taldearen kontzertu batekin itxiko dugu eta lunch bat izango dugu, bertan parte hartzen duten pertsona guztiekin iritziak trukatuz. Sarrera librea da, lekua bete arte.
