Matienako1ibilbideaMartxoaren 13an ilusioz proiektu berri bati hasiera ematera gindoazen, baina COVID-19ren pandemia piztu zuen krisiak proiektu hori bertan behera uztera eta gure etxeetan konfinatzera behartu gintuen. Inoiz bizi izan ez dugun gertaera horren ondorioak oraindik pairatzen ari gara.

Baina Talde Eragilean gure jarduerei eta ilusioei berriro ekiteko garaia dela  pentsatu genuen. Eta hori egitea erabaki dugu, hain zuzen ere, dena martxan zegoenean bertan behera utzi behar izan genuen proiektu horri berriro heltzea: diseinatu ditugun ibilaldi osasungarrietariko lehena da.

Zer dira ibilaldi osasungarriak?

Luzera laburreko ibilbideak dira, aldaparik gabekoak, ibiltzeko errazak eta seguruak, edozein arrazoirengatik ibiltzen ez diren pertsonentzat pentsatuak. Gure ustez, paseatzea jarduera erraza da, atsegina, edonoren eskura dagoena ... eta doanekoa. Jarduera fisikoak, gainera, eragina du osasunaren hobekuntzan, eta erregulartasunez eginez gero, hainbat onura ditu edozein adinetako pertsonengan.

Honela ba, Uztailaren 17an, 10:15ean, Matienako Adinekoen Elkartearen lokaletik irtengo gara ibilaldi hori egiteko. Matiena auzoan zehar burutuko den ibilbidea da, oso erosoa eta edonoren eskura dagoena. Distantzia 1,8 km-koa da, desnibelik gabea eta 45 minutu inguruko iraupena da aurrikusten dena. Nahi baduzu, bilobak ekar ditzakezu. Anima zaitez!

Iruzkina
Ez zaude baimendua iruzkinak idazteko. ¡ ERREGISTRATU !

EuskadiLagunkoia LOGO COVID19 web

logo lagunsarea 05

captcha 

Pegatina

Durangoko Udalak adinekoentzako etxerako janari zerbitzua eskaintzen du


Durangon janari orekatuak eta adinekoen eta/edo mendeko pertsonen nutrizio-beharretara egokituak banatzen dituzte etxeetara. Argiñe Larreategi, adineko pertsonen arloko teknikariak. ekimenaren gakoak eskaintzen dizkigu elkarrikzeta honetan. 

“2020ko Lagunkoitasuneko Jardunbide Egokien Sari”-rako deialdia ireki da. Aurten, COVID-19aren ondorioei aurre egiteko jandubideak izango dira kontuan

2020ko Lagunkoitasuneko Jardunbide Egokien Sariaren bidez, jendaurrean aintzatetsiko dira lagunkoitasunaren arloan berrikuntzagatik eta eraginkortasunagatik zahartzen diren pertsonentzako ingurune bideratzaileak sortzen nabarmentzen diren jardunbideak garatzen dituzten erakunde publiko eta pribatuak.

Oinarriak ezagutu

Partekatu gurekin zure herriaren lagunkoitasunaren inguruan dituzun iritziak eta esperientziak, galde-sorta honen bidez.

¡¡¡ANIMA ZAITEZ!!!