6a325ee1-272a-412b-aeb2-2ad4672fb5d8

Azaroaren 28an, berriz ekin diegu diseinu-taldeen jarduerei, ekainean egin genuen azkenari berriro helduz. Saio hartatik igarotako hilabete hauetan, talde motorra edo eragilea hainbat gaitan aritu da lanean: hainbat forotara joan gara, eta, horietan, gure lan egiteko moduari buruz hitz egin dugu, eta hiri lagunkoien proiektu honi buruzko gure esperientzia eta ikuspuntua eman dugu. Orain hasiko dugun fase berriari aurre egiteko metodologia diseinatzen ere aritu gara. Eta, jakina, Udalarekin ere harremanak izaten jarraitu dugu, gure zereginen eta aurrerapenen berri izan dezaten.

Orain ekin diogun lana adierazleak zehaztea da, bere garaian etorkizunean onartuak izango diren behin betiko ekintzen jarraipena egin ahal izateko.

Gainera, zeregin horrekin batera, hainbat proiektu osagarri ere martxan jartzen ari gara.

Mendi-ibilaldi eta ibilaldi lagunkoiak sustatuko dituena martxan da jada, eta 2020an errealitate izatea espero dugu. Merkataritza lagunkoia bultzatuko duena martxan jartzeko ere lehen pausoak ematen ari gara. Eta gure herriko Bigarren Hezkuntzako Institutuarekin harremanetan gaude, belaunaldi desberdinen arteko zine forum saioren bat antolatzeko. Era berean, baratze sozialen inguruko beste proiektu bat proposatu nahi diogu Udalari.

Azken batean, Abadiño Lagunkoiak aurrera jarraitzen du, ekimen honekin bat egin nahi duten gure herriko pertsona guztien parte-hartzeari irekitako proiektu gisa. Eta hasieratik bertan gaudenok era honetako proiektu batean parte hartzeak ematen duen ilusioa mantentzen jarraitzen dugu.

 

Iruzkina
Ez zaude baimendua iruzkinak idazteko. ¡ ERREGISTRATU !

EuskadiLagunkoia LOGO COVID19 web

logo lagunsarea 05

captcha 

Pegatina

"Lagunartea" Euskadi lagunkoia sareko udalerrietan parte-hartzea errazteko plataforma berria

Lagunsarea plataforma abian jarri da COVID-19ren krisialdian, Euskadi Lagunkoia Sarean parte hartzen duten pertsona eta udalerriei online tresna honen bidez lanean jarraitzeko eta komunikatzeko aukera emateko.

Maite Ruiz de Sabando "konfinatuta egoteak sormen gehiago izateko aukera eman zigun"

COVID-19ren krisiak aldaketa handia ekarri dio gizarte osoari. Maite, Gasteizko Udaleko adinekoen zerbitzuko zentro eta programa komunitarioen arduraduna zaren aldetik, nola egin diozue aurre egoera horri?

Hasieran dena kaosa izan zen. Adinekoen zerbitzuak eta zentro soziokulturalak itxi egin ziren. Horrek asko eragin zien erabiltzaileei, adinekoen zentro soziokulturalen sareko profesionalei, familia zaintzaileei laguntzeko programari eta zentro eta programa komunitarioetako taldeko langileei.

Partekatu gurekin zure herriaren lagunkoitasunaren inguruan dituzun iritziak eta esperientziak, galde-sorta honen bidez.

¡¡¡ANIMA ZAITEZ!!!