Zaldibian, Covid-19a dela eta ezarritako itxialdiak eragin dituen bizipen eta sentipenak jaso nahi dituzte, aurrerago eta modu anonimoan partekatzeko.

Herritarrek benetan garrantzitsuena dena ahaztu ez dezaten, “Zukati ta danokati, 2 metro eta eskuk garbi” kanpaina komunikatiboa jarri du abian Zaldibiako Udalak.

60 urtetik gorakoen artean banatu dira musuko kirurgikoak, herriko puntu desberdinetan.

Hirugarren adinekoei dei pertsonalizatuak egin zaizkie egun hautean. Zestoako Gizarte Zerbitzuetatik egin zaizkie deiak, bizi duten egoera ezagutu eta izan ditzaketen beharren inguruko informazioa jasotzeko.

Zestoako Udaleko kirol sailak hala erabakita, kiroldegiko bazkideek  kiroldegian eskaintzen diren ikastaro birtualak etxean egin ahal izango dituzte.

Erosketak egiteko zailtasunak izan ditzaketen pertsonei bideratutako zerbitzua martxan jarri da familia edo babes sarerik ez daukaten pertsonak artatzeko.

Gaur egungo egoeran eta etxeko egonaldian irakurketa errazte aldera, udal liburutegiak bertan behera utzi ditu maileguak emateko epeak eta liburutegi elektronikoa erabiltzeko aukera aprobetxatzera gonbidatu ditu herritarrak.

Beasaingo Udalak Eusko Jaurlaritzaren sare antolatuarekin elkarlanean dihardu, etxetik irten ezin duten pertsonei funtsezko eta beharrezko zerbitzuak emateko.

Gizarte-ongizateko zerbitzua 80 urtetik gorako biztanleekin harremanetan jarri da telefonoz, haien egoera ezagutzeko eta edozein beharrizan motari erantzuteko.

Boluntarioen sarearekin batera, oihal maskarillak banatu dira etxeetan. Maskarillekin batera, familiei fitxa bat eman zaie hauen erabilerari buruzko informazioarekin eta beste gomendioekin.

Boluntarioek osatutako sare bati esker, janaria eta botikak erostea eta entregatzea erraztu diete adinekoei edo gaixotasun kronikorik dutenei.

Bizi dugun egoera honetan, Udalak psikologiako adituen laguntza aukera eskaini du senide baten heriotza pairatu duten herritarrentzat, prozesu horretan laguntzeko.